LIC ಏಜೆಂಟ್‌, ಉದ್ಯೋಗಿಗಳಿಗೆ ಕೇಂದ್ರ ಸರಕಾರದ ಕೊಡುಗೆ

ಹೊಸದಿಲ್ಲಿ: ಭಾರತೀಯ ಜೀವವಿಮಾ ನಿಗಮದ ಉದ್ಯೋಗಿಗಳು ಮತ್ತು ಪ್ರತಿನಿಧಿಗಳಿಗೆ ಹಲವು ಕೊಡುಗೆಗಳನ್ನು ನೀಡಲು ಕೇಂದ್ರ ಸರಕಾರ ಸೋಮವಾರ ಅಂಗೀಕಾರದ ಮುದ್ರೆಯೊತ್ತಿದೆ.

ಗ್ರಾಚುಯಿಟಿ ಮಿತಿ 3 ಲಕ್ಷ ರೂ.ಗಳಿಂದ 5 ಲಕ್ಷ ರೂ.ಗಳಿಗೆ ಹೆಚ್ಚಳ, ರಿನ್ಯೂವಲ್‌ ಕಮಿಶನ್‌, ಅವಧಿ ವಿಮಾ ರಕ್ಷಣೆ ಮತ್ತು ಶೇ. 30ರ ಸಮಾನ ದರದ ಕುಟುಂಬ ಪಿಂಚಣಿ ಇವುಗಳಲ್ಲಿ ಸೇರಿದೆ.

ಎಲ್‌ಐಸಿ (ಏಜೆಂಟ್ಸ್‌) ತಿದ್ದುಪಡಿ ನಿಯಮ, 2017ರ ಅನ್ವಯ ಇವು ಜಾರಿಗೆ ಬರಲಿವೆ. ಎಲ್‌ಐಸಿಯ 13 ಲಕ್ಷಕ್ಕೂ ಹೆಚ್ಚು ಏಜೆಂಟರು, 1 ಲಕ್ಷಕ್ಕೂ ಹೆಚ್ಚು ಉದ್ಯೋಗಿ ಗಳಿಗೆ ಇದರ ಪ್ರಯೋಜನ ಲಭಿಸಲಿದೆ ಎಂದು ವಿತ್ತ ಸಚಿವಾಲಯವು ಹೇಳಿಕೆಯಲ್ಲಿ ತಿಳಿಸಿದೆ.