ಗೊಟಬಾಯ ರಾಜಪಕ್ಸ ಪ್ರಮಾಣ

ಕೊಲಂಬೊ: ಶನಿವಾರ ನಡೆದಿದ್ದ ಲಂಕಾದ ಅಧ್ಯಕ್ಷೀಯ ಚುನಾವಣೆಯಲ್ಲಿ ಜಯಭೇರಿ ಬಾರಿಸಿದ್ದ ಗೊಟಬಾಯ ರಾಜಪಕ್ಸ, ಸೋಮವಾರ ಪ್ರಮಾಣ ವಚನ ಸ್ವೀಕರಿಸಿದರು. ರಾಜಧಾನಿ ಕೊಲಂಬೊದ ಉತ್ತರಕ್ಕೆ ಸುಮಾರು 200 ಕಿ.ಮೀ. ದೂರದಲ್ಲಿರುವ ಅನುರಾಧಪುರದಲ್ಲಿರುವ ಪುರಾತನ ಬೌದ್ಧ ದೇಗುಲದಲ್ಲಿ ಏರ್ಪಡಿಸಲಾಗಿದ್ದ ಸಮಾರಂಭದಲ್ಲಿ ಶ್ರೀಲಂಕಾ ಸುಪ್ರೀಂ ಕೋರ್ಟ್‌ನ ಮುಖ್ಯ ನ್ಯಾಯಮೂರ್ತಿ ಜಯಂತ ಜಯಸೂರ್ಯ, ರಾಜಪಕ್ಸ ಅವರಿಗೆ ಪ್ರಮಾಣ ವಚನ ಬೋಧಿಸಿದರು.

ಸಿಂಹಳೀಯರು ಇರುವ ಪ್ರಾಂತ್ಯಗಳಲ್ಲೇ ಅತಿ ಹೆಚ್ಚು ಮತಗಳನ್ನು ಪಡೆದು ಅಧಿಕಾರಕ್ಕೆ ಬಂದಿರುವ ಹಿನ್ನೆಲೆಯಲ್ಲಿ, ಪ್ರಮಾಣ ವಚನ ಸಮಾರಂಭವನ್ನು ಬೌದ್ಧ ದೇಗುಲದಲ್ಲಿ ಏರ್ಪಡಿಸಲಾಗಿತ್ತು.