ಗೂಡ್ಸ್‌ ಟೆಂಪೋ ಬೈಕ್‌ ಡಿಕ್ಕಿ: ಗಾಯ

ಕಾರ್ಕಳ:ಮಿಯಾರು ಗ್ರಾಮದ ಬೋರ್ಕಟ್ಟೆ ಬಳಿ ಬೊಲೆರೋ ಗೂಡ್ಸ್‌ ವಾಹನ ಬೈಕ್‌ ನಡುವೆ ಅಪಘಾತ ಸಂಭವಿಸಿ ಸವಾರ ಹಾಗೂ ಸಹಸವಾರ ಗಾಯಗೊಂಡ ಘಟನೆ ಎ.17ರಂದು ನಡೆದಿದೆ. ಬೈಕ್‌ ರೆಂಜಾಳ ಕಡೆಯಿಂದ ಜೋಡುಕಟ್ಟೆ ಕಡೆಗೆ ತೆರಳುತಿತ್ತು. ಜೋಡುಕಟ್ಟೆ ಕಡೆಯಿಂದ ರೆಂಜಾಳ ಕಡೆಗೆ ಮಹೇಂದ್ರ ಬೊಲೆರೋ ಗೂಡ್ಸ್‌ ತೆರಳುತಿದ್ದ ವೇಳೆ ಘಟನೆ ಸಂಭವಿಸಿದೆ. ಡಿಕ್ಕಿಯಲ್ಲಿ ದ್ವಿಚಕ್ರ ವಾಹನ ಸಮೇತ ಸವಾರ, ಸಹಸವಾರ ರಸ್ತೆಗೆ ಬಿದ್ದು ಗಾಯಗೊಂಡರು. ಗಾಯಾಳುಗಳು ನಗರದ ಖಾಸಗಿ ಆಸ್ಪತ್ರೆಗೆ ಚಕಿತ್ಸೆಗೆ ದಾಖಲಾಗಿದ್ದಾರೆ. ಕಾರ್ಕಳ ನಗರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.