“ಒಲಿಂಪಿಕ್ಸ್‌ನಲ್ಲಿ ಉತ್ತಮ ನಿರ್ವಹಣೆ’

ಹೊಸದಿಲ್ಲಿ: ಮುಂದಿನ ವರ್ಷ ಜಪಾನ್‌ ರಾಜಧಾನಿ ಟೋಕಿಯೋದಲ್ಲಿ ನಡೆಯುವ ಒಲಿಂಪಿಕ್ಸ್‌ ಕ್ರೀಡಾಕೂಟದಲ್ಲಿ ಭಾರತ ಉತ್ತಮ ಪ್ರದರ್ಶನ ನೀಡಲಿದೆ ಎಂದು ಕ್ರೀಡಾ ಸಚಿವ ಕಿರಣ್‌ ರಿಜಿಜು ಹೇಳಿದ್ದಾರೆ.

ಗುರುವಾರ ಲೋಕಸಭೆಯಲ್ಲಿ ಮಾತನಾಡಿದ ಅವರು, ಭಾರತ ಈ ಬಾರಿ ಒಲಿಂಪಿಕ್ಸ್‌ನಲ್ಲಿ ಉತ್ತಮ ಪ್ರದರ್ಶನ ನೀಡಿ ದೇಶಕ್ಕೆ ಹಲವು ಪದಕಗಳನ್ನು ತಂದು ಕೊಡಲಿದೆ ಎಂದು ಅಭಿಪ್ರಾಯ ವ್ಯಕ್ತಪಡಿಸಿದರು.

“ಭಾರತದ ಕ್ರೀಡಾ ಸಾಧನೆಯನ್ನು ನಾನು ಹಲವು ದಿನಗಳಿಂದ ಗಮನಿಸುತ್ತ ಬಂದಿದ್ದೇನೆ. ಹಲವು ಕೂಟಗಳಲ್ಲಿ ದೇಶದ ಆಟಗಾರರು ಉತ್ತಮ ನಿರ್ವಹಣೆ ನೀಡಿ ಪ್ರಶಸ್ತಿ ಜಯಿಸಿದ್ದಾರೆ. ಅದರಂತೆ ಒಲಿಂಪಿಕ್‌ನಲ್ಲಿಯೂ ಭಾರತ ಉತ್ತಮ ಪ್ರದರ್ಶನ ತೋರ್ಪಡಿಸುವ ವಿಶ್ವಾಸವಿದೆ’ ಎಂದು ರಿಜಿಜು ಹೇಳಿದರು.

“ದೇಶದಲ್ಲಿ ಕ್ರೀಡೆಯನ್ನು ಪ್ರೋತ್ಸಾ ಹಿಸುವುದು ರಾಜ್ಯ ಸರಕಾರದ ಕೆಲಸ. ಇದಕ್ಕೆ ಪೂರಕವಾದ ಎಲ್ಲ ನೆರವನ್ನೂ ಕೇಂದ್ರ ಒದಗಿಸಲಿದೆ’ ಎಂದು ರಿಜಿಜು ಈ ಸಂದರ್ಭದಲ್ಲಿ ಹೇಳಿದರು.