ಬಿಜೆಪಿ ಅಭ್ಯರ್ಥಿಗೆ ಶುಭ ಕೋರಿದ ತಲೈವಾ ರಜನಿ

ಚೆನ್ನೈ: ತಮಿಳುನಾಡು ಮಾಜಿ ಮುಖ್ಯಮಂತ್ರಿ ಜೆ.ಜಯಲಲಿತಾ ಅವರ ನಿಧನಾ ನಂತರ ತೆರವಾದ  ಆರ್‌.ಕೆ.ನಗರ ವಿಧಾನಸಭಾ ಕ್ಷೇತ್ರದ ಉಪ ಚುನಾವಣೆ ಇದೀಗ ಕಳೆಕಟ್ಟಿದೆ. ಕಾರಣ, ಆರ್‌.ಕೆ.ನಗರದಿಂದ ಬಿಜೆಪಿ ಸ್ಪರ್ಧಾಳು ಗಂಗೈ ಅಮ್ರಾನ್‌ ಅವರು ಸೂಪರ್‌ಸ್ಟಾರ್‌ ರಜನೀಕಾಂತ್‌ ಅವರನ್ನು ಭೇಟಿಯಾಗಿದ್ದಾರೆ. ಅಷ್ಟೇ ಅಲ್ಲ, ಅವರ ವಿಜಯಕ್ಕೆ ರಜನಿಕಾಂತ್‌ ವೈಯಕ್ತಿಕವಾಗಿ ಶುಭಾಶಯವನ್ನೂ ಕೋರಿದ್ದಾರೆ. ಗಂಗೈ ಅಮ್ರಾನ್‌ ಅವರು ಖ್ಯಾತ ಸಂಗೀತ ನಿರ್ದೇಶಕ ಇಳೆಯರಾಜ ಅವರ ಸೋದರ. 

ರಜನಿಕಾಂತ್‌ ಅವರ ಪೊಯೆಸ್‌ ಗಾರ್ಡನ್‌ ನಿವಾಸದಲ್ಲಿ ಗಂಗೈ ಅವರು ಭೇಟಿ ಯಾಗಿದ್ದಾರೆ. ಇದು ಪರೋಕ್ಷವಾಗಿ ರಜನಿಕಾಂತ್‌ ಅಭಿಮಾನಿಗಳು ಬಿಜೆಪಿ ಪರ ಮತದಾನ ಮಾಡಲು ಕಾರಣವಾಗಲಿದೆಯೇ ಎಂಬ ಪ್ರಶ್ನೆಗಳು ಮೊಳಕೆ ಒಡೆದಿವೆ. ಇನ್ನು, ಗಂಗೈ ಅವರ ಪ್ರತಿಸ್ಪರ್ಧಿಯಾಗಿ ಎಐಎಡಿಎಂಕೆಯಿಂದ ಮುಖ್ಯ ಕಾರ್ಯದರ್ಶಿ ಶಶಿಕಲಾ ಅವರ ಸೋದರ ಸಂಬಂಧಿ ಟಿಟಿವಿ ದಿನಕರನ್‌ ಸ್ಪರ್ಧಿಸುತ್ತಿದ್ದಾರೆ.