ಬಂಗಾರದ ಹಾಡು ಮತ್ತು ದ್ವಾರಕೀಶ್‌ಗೆ ಸನ್ಮಾನ

ಇದೇ ವೇಳೆ, ಶಿವರಾಜ್‌ಕುಮಾರ್‌ ಅಭಿನಯದ “ಬಂಗಾರ ಸನ್‌ ಆಫ್ ಬಂಗಾರದ ಮನುಷ್ಯ’ ಚಿತ್ರದ ಹಾಡುಗಳನ್ನು ಹೊರತರಲಾಯಿತು. ರಾಜ್‌ಕುಮಾರ್‌ ಅವರ ಸಹೋದರಿ ನಾಗಮ್ಮ ಅವರು ಚಿತ್ರದ ಹಾಡುಗಳನ್ನು ಬಿಡುಗಡೆ ಮಾಡಿ ಚಿತ್ರತಂಡಕ್ಕೆ ಶುಭಕೋರಿದರು.

ಈ ಸಂದರ್ಭದಲ್ಲಿ ಹಿರಿಯ ನಟ, ನಿರ್ದೇಶಕ, ನಿರ್ಮಾಪಕ ದ್ವಾರಕೀಶ್‌ ಸಹ ಚಿತ್ರದ ಆಡಿಯೋ ಸಿಡಿ ಹಿಡಿದು, ಎಲ್ಲರಿಗೂ ಸಿಡಿಗಳನ್ನು ಕೊಡುವುದರೊಂದಿಗೆ ಚಿತ್ರತಂಡಕ್ಕೆ ಶುಭಾಶಯ ಹೇಳಿದರು. ಈ ಸಂದರ್ಭದಲ್ಲಿ ನಿರ್ದೇಶಕ, ಯೋಗಿ, ನಿರ್ಮಾಪಕರಾದ ಜಯಣ್ಣ, ರಾಕ್‌ಲೈನ್‌ ವೆಂಕಟೇಶ್‌, ಶಾಸಕ ಮುನಿರತ್ನ, ಸಾ.ರಾ.ಗೋವಿಂದು ನಿರ್ದೇಶಕ ಸೂರಿ, ಯೋಗೇಶ್‌ ದ್ವಾರಕೀಶ್‌ ಸೇರಿದಂತೆ ಚಿತ್ರರಂಗದ ಹಲವರು ಉಪಸ್ಥಿತರಿದ್ದರು.

ಈ ವೇಳೆಯಲ್ಲೇ ಹಿರಿಯ ನಟ ದ್ವಾರಕೀಶ್‌ ಅವರನ್ನು “ಟಗರು’ ಚಿತ್ರತಂಡದಿಂದ ಸನ್ಮಾನಿಸಲಾಯಿತು. ಸನ್ಮಾನ ಸ್ವೀಕರಿಸಿದ ದ್ವಾರಕೀಶ್‌, ಡಾ.ರಾಜ್‌ಕುಮಾರ್‌ ಅವರ ಗುಣಗಾನ ಮಾಡಿದರಲ್ಲದೆ, ಶಿವರಾಜ್‌ಕುಮಾರ್‌ ಅವರ “ಟಗರು’ ಹಾಗೂ “ಬಂಗಾರ ಸನ್‌ ಆಫ್ ಬಂಗಾರದ ಮನುಷ್ಯ’ ಚಿತ್ರಕ್ಕೆ ಗೆಲುವು ಸಿಗಲಿ ಎಂದು ಹಾರೈಸಿದರು.