ದುಬಾೖಯಲ್ಲಿ “ಗೋಲ್ಡನ್‌ ಪಾವ್‌’

ದುಬಾೖ: ವಡಾ ಪಾವ್‌ ಮಹಾರಾಷ್ಟ್ರದ ಜನಪ್ರಿಯ ತಿನಿಸು. ಅದನ್ನು ಚಿನ್ನದಿಂದ ತಯಾರಿಸಲಾಗಿದೆ. ಅರೆ ಇದೇನು ಎಂದು ಹುಬ್ಬೇರಿಸಬೇಡಿ.

ದುಬಾೖಯ ಕರಮಾ ಮತ್ತು ಅಲ್‌ ಖೋಜ್‌ನಲ್ಲಿರುವ ಒ’ ಪಾವೋ (O’Pao) ಎಂಬ ರೆಸ್ಟೋರೆಂಟ್‌ನಲ್ಲಿ “ಜಗತ್ತಿನ ಮೊದಲ 22 ಕ್ಯಾರೆಟ್‌ ಚಿನ್ನದ ಪಾವ್‌’ ತಯಾರಿಸಲಾಗಿದೆ. ಈ ಬಗ್ಗೆ ಇನ್‌ಸ್ಟಾಗ್ರಾಂನಲ್ಲಿ ವೀಡಿಯೋ ಅಪ್‌ಲೋಡ್‌ ಆಗಿದ್ದು, ಭಾರಿ ಮೆಚ್ಚುಗೆ ಗಳಿಸಿದೆ. ಅಂದ ಹಾಗೆ ಚಿನ್ನದ ಬಣ್ಣದ ಪಾವ್‌ನಲ್ಲಿ ಚೀಸ್‌ ಮತ್ತು ಬೆಣ್ಣೆ, ಆಲೂಗಡ್ಡೆ ಇದೆ.

ಪ್ಯಾನ್‌ನಲ್ಲಿ ಅದನ್ನು ಹುರಿದ ಬಳಿಕ ಅದು ಚಿನ್ನದ ಬಣ್ಣಕ್ಕೆ ತಿರುಗಿದೆ. ಸಿಹಿ ಗೆಣಸಿನ ತುಂಡುಗಳು, ಪುದಿನ ಮತ್ತು ನಿಂಬೆಯ ತುಂಡು ಗಳನ್ನು ಆಕರ್ಷಕವಾಗಿ ಅಲಂಕರಿಸಿ ನೀಡಲಾಗುತ್ತದೆ. ಭಾರತೀಯ ರೂಪಾಯಿಯಲ್ಲಿ ಒಂದು ಗೋಲ್ಡನ್‌ ವಡಾ ಪಾವ್‌ಗೆ 1,970 ರೂ. ಎಂದು ನಿಗದಿ ಮಾಡಲಾಗಿದೆಯಂತೆ.