Gold Updates: ಚಿನ್ನ ಸಾರ್ವಕಾಲಿಕ ದಾಖಲೆ

ನವದೆಹಲಿ: ಶುಕ್ರವಾರ ಚಿನ್ನದ ದರ ಸಾರ್ವಕಾಲಿಕ ದಾಖಲೆ ಬರೆದಿದೆ. ದೆಹಲಿ ಚಿನಿವಾರ ಪೇಟೆಯಲ್ಲಿ ಹಳದಿ ಲೋಹದ ದರ 480ರೂ. ಏರಿಕೆಯಾಗಿ, 10 ಗ್ರಾಂಗೆ ದಾಖಲೆಯ 61,780ರೂ.ಗೆ ತಲುಪಿದೆ. ಗುರುವಾರ 10 ಗ್ರಾಂ ಚಿನ್ನಕ್ಕೆ 61,300ರೂ. ಆಗಿತ್ತು. ಬೆಳ್ಳಿ ದರವೂ ಶುಕ್ರವಾರ 410ರೂ. ಹೆಚ್ಚಳವಾಗಿದ್ದು, ಕೆಜಿಗೆ 77,580 ರೂ. ಆಗಿದೆ. ಬೆಂಗಳೂರಿನಲ್ಲಿ 22 ಕ್ಯಾರೆಟ್‌ ಚಿನ್ನದ ದರ 550ರೂ. ಹೆಚ್ಚಳವಾಗಿದ್ದು 10 ಗ್ರಾಂಗೆ 56,700ರೂ.ಗೆ ತಲುಪಿದೆ. 24 ಕ್ಯಾರೆಟ್‌ ಚಿನ್ನ 600 ರೂ. ಏರಿಕೆಯಾಗಿ, 10ಗ್ರಾಂಗೆ 61,850ರೂ. ಆಗಿದೆ.