ಚಿನ್ನ ಒಂದೇ ದಿನ 820 ರೂ. ಕುಸಿತ; 10 ಗ್ರಾಂ.ಗೆ 30,530 ರೂ.

ಹೊಸದಿಲ್ಲಿ : ಇಲ್ಲಿನ ಬುಲಿಯನ್‌ ಮಾರ್ಕೆಟ್‌ನಲ್ಲಿ ಇಂದು ಚಿನ್ನ 820 ರೂ. ಗಳಷ್ಟು ಕುಸಿದು ಹತ್ತು ಗ್ರಾಮ್‌ ಚಿನ್ನದ ಧಾರಣೆ 30,530 ರೂ. ಗಳಲ್ಲಿ ನೆಲೆಗೊಂಡಿತು.

ಜಾಗತಿಕ ಸ್ಥಿತಿಗತಿಯ ಪರಿಣಾಮ ಹಾಗೂ ಸ್ಥಳೀಯ ಸರಾಫ‌ರು ಖರೀದಿಯಲ್ಲಿ ತೋರಿಸಿದ ನಿರಾಸಕ್ತಿಯೇ ಚಿನ್ನದ ಇಂದಿನ ಧಾರಣೆ ಕುಸಿತಕ್ಕೆ ಕಾರಣವಾಯಿತು. 

ಈ ವರ್ಷ ಈ ವರೆಗೆ ದಿನವೊಂದರಲ್ಲಿ ಕಂಡ ಗರಿಷ್ಠ ಕುಸಿತ ಇಂದು ಚಿನ್ನದ ಮಟ್ಟಿಗೆ ದಾಖಲಾದದ್ದು ವಿಶೇಷ. 

ಇದೇ ವೇಳೆ ಬೆಳ್ಳಿಯ ಧಾರಣೆ ಕೆಜಿಗೆ 42,000 ರೂ.ಗಳಲ್ಲಿ ನೆಲೆಗೊಂಡಿತು. ಕೈಗಾರಿಕಾ ಘಟಕಗಳು ಹಾಗೂ ನಾಣ್ಯ ಟಂಕ ಸಾಲೆಯವರು ಕಡಿಮೆ ಪ್ರಮಾಣದ ಖರೀದಿ ನಡೆಸಿದ್ದುದೇ ಇದಕೆ ಕಾರಣವಾಯಿತು.