Goa; ದಿನಕ್ಕೆ ಒಂದೇ ಖರ್ಜೂರ ತಿನ್ನುತ್ತಿದ್ದ ಇಬ್ಬರು ಸಹೋದರರು ನಿಧನ

ಪಣಜಿ: ದಿನಕ್ಕೆ ಒಂದೇ ಒಂದು ಖರ್ಜೂರ ತಿನ್ನುತ್ತಾ ಉಪವಾಸ ಮಾಡುತ್ತಿದ್ದ ಗೋವಾದ ಸಹೋದರರಿಬ್ಬರು ಮೃತಪಟ್ಟಿದ್ದಾರೆ. ಮೃತರನ್ನು ಮೊಹಮ್ಮದ್‌ ಜುಬೇರ್‌ ಖಾನ್‌ (29), ಅಫ‌ನ್‌ ಖಾನ್‌ (27) ಎಂದು ಗುರುತಿಸಲಾಗಿದೆ.

ಜುಬೇರ್‌ ಮತ್ತು ಅಫ‌ನ್‌ ತಾಯಿ ರುಕ್ಸಾನಾ ಜತೆ ವಾಸವಿದ್ದರು. ಕೆಲವು ಸಮಯದಿಂದಲೂ ಈ ಉಪವಾಸ ಆಚರಿಸುತ್ತಿದ್ದರು. ವಿಚಿತ್ರ ಆಚರಣೆಗೆ ತಂದೆ ನಜೀರ್‌ ಖಾನ್‌ ಆಕ್ಷೇಪಿಸಿದ್ದಕ್ಕಾಗಿ ಅವರಿಂದಲೂ ಅಮ್ಮ ಮತ್ತು ಮಕ್ಕಳು ದೂರವಾಗಿದ್ದರು. ಈಗ ಒಂದೇ ದಿನ ಸಹೋದರರು ಮೃತಪಟ್ಟಿದ್ದು, ಅದೇ ದಿನವೇ ತಾಯಿಯೂ ಪ್ರಜ್ಞಾಹೀನರಾಗಿ ಬಿದ್ದಿದ್ದರು. ಅವರನ್ನು ಚಿಕಿತ್ಸೆಗಾಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಹಸಿವಿನಿಂದಲೇ ಜುಬೇರ್‌, ಅಫ‌ನ್‌ ಮೃತಪಟ್ಟಿರುವ ಶಂಕೆ ವ್ಯಕ್ತವಾಗುತ್ತಿದ್ದು, ಈ ಬಗ್ಗೆ ಪೊಲೀಸ್‌ ತನಿಖೆ ನಡೆಯುತ್ತಿದೆ.