ಡ್ರಗ್‌ ಮಾಫಿಯಾದಿಂದ ಜೀವ ಬೆದರಿಕೆ : ಗೋವಾ ಸಚಿವ ಪಾಲೇಕರ್‌

ಪಣಜಿ : ರಾಜ್ಯದಲ್ಲಿನ ಡ್ರಗ್‌ ಮಾಫಿಯಾದಿಂದ ತನಗೆ ಜೀವ ಬೆದರಿಕೆ ಇದೆ ಎಂದು ಗೋವೆಯ ಸಚಿವ ವಿನೋದ್‌ ಪಾಲೇಕರ್‌ ಹೇಳಿದ್ದಾರೆ. 

ಗೋವೆಯ ಜಲ ಸಂಪನ್ಮೂಲ ಸಚಿವರಾಗಿರುವ ಪಾಲೇಕರ್‌ ಅವರು ಸ್ಥಳೀಯ ಸುದ್ದಿ ವಾಹಿನಿಯೊಂದಿಗೆ ಮಾತನಾಡುತ್ತಾ, ಯಾರೋ ತನ್ನನ್ನು ನಿರಂತರವಾಗಿ ಹಿಂಬಾಲಿಸುತ್ತಿದ್ದಾರೆ ಎಂದು ಹೇಳಿದ್ದಾರೆ. 

ಸಚಿವ ವಿನೋದ್‌ ಪಾಲೇಕರ್‌ ಗೆ ಜೀವ ಬೆದರಿಕೆ ಇರುವುದನ್ನು ಲೆಕ್ಕಿಸಿ ರಾಜ್ಯದ ಭದ್ರತಾ ಸಮಿತಿ (ಎಸ್‌ಎಸ್‌ಸಿ) ಪೊಲೀಸ್‌ ಗುಪ್ತಚರ ದಳದಿಂದ ವರದಿಯನ್ನು ಕೇಳಿದೆ. ಸಚಿವ ಪಾಲೇಕರ್‌ ಅವರು ಗೋವಾ ಫಾರ್ವರ್ಡ್‌ ಪಾಟಿಯ ಸಯೋಲಿಮ್‌ ಕ್ಷೇತ್ರದ ಶಾಸಕರಾಗಿದ್ದಾರೆ.