ಗೋವಾ: ಬಸ್‍ಗೆ ಬೆಂಕಿ; 22 ಮಂದಿ ಪಾರು

ಪಣಜಿ: ಗೋವಾದ ಕುಠ್ಠಾಳಿ ಸರ್ಕಲ್ ಬಳಿ ಸರಕಾರಿ ಕದಂಬ ಸಾರಿಗೆ ಬಸ್‍ಗೆ ಇದ್ದಕ್ಕಿದ್ದಂತೆ ಅಗ್ನಿಸ್ಪರ್ಷವಾದ ಘಟನೆ ಗುರುವಾರ ನಡೆದಿದ್ದು, ಬಸ್‍ನಲ್ಲಿದ್ದ 22 ಜನ ಪ್ರಯಾಣಿಕರು ಅದೃಷ್ಠವಶಾತ್ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.

ಈ ಘಟನೆಯಿಂದಾಗಿ 22 ಲಕ್ಷ ರೂ ಹಾನಿ ಸಂಭವಿಸಿರುವುದಾಗಿ ಅಂದಾಜಿಸಲಾಗಿದೆ.

ವಾಸ್ಕೊಗೆ ತೆರಳುವ ಬಸ್ ಕುಠ್ಠಾಳಿ ಸರ್ಕಲ್ ಬಳಿ ಆಗಮಿಸುತ್ತಿದ್ದಂತೆಯೆ ಇದ್ದಕ್ಕಿದ್ದಂತೆಯೇ ಬೆಂಕಿ ಹೊತ್ತಿಕೊಂಡಿದ್ದು, ಕೂಡಲೇ ಪ್ರಯಾಣಿಕರು ಬಸ್ಸಿನಿಂದ ಕೆಳಗಿಳಿದಿದ್ದರಿಂದ ಎಲ್ಲ ಪ್ರಯಾಣಿಕರು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.

ಘಟನಾ ಸ್ಥಳಕ್ಕೆ ಅಗ್ನಿಶಾಮಕ ದಳದ ಸಿಬ್ಬಂದಿಗಳು ಆಗಮಿಸಿ ಬೆಂಕಿಯನ್ನು ನಂದಿಸಿದ್ದಾರೆ.