ಬಂಧಿತ ನಟ ಆಜಾಝ್ ಖಾನ್‌ ಬೆಂಬಲಿಸಿದ ಗೋವಾ ಬಿಜೆಪಿ ಪದಾಧಿಕಾರಿ

ಪಣಜಿ : ಮಾದಕ ದ್ರವ್ಯ ಹೊಂದಿದ ಆರೋಪದ ಮೇಲೆ ಮಹಾರಾಷ್ಟ್ರ ಪೊಲೀಸರಿಂದ ಬಂಧಿಸಲ್ಪಟ್ಟ ನಟ ಆಜಾಝ್ ಖಾನ್‌ ಬೆಂಬಲಿಸುವ ವಿಡಿಯೋ ಚಿತ್ರಿಕೆಯನ್ನು ಸಾಮಾಜಿಕ ಮಾಧ್ಯಮದಲ್ಲಿ ಪೋಸ್ಟ್‌ ಮಾಡಿರುವ ತನ್ನ ಪದಾಧಿಕಾರಿಯೋರ್ವರಿಂದ ಗೋವಾ ಬಿಜೆಪಿಯ ಅಲ್ಪಸಂಖ್ಯಾಕ ಘಟಕ ಇಂದು ಶುಕ್ರವಾರ ಸ್ಪಷ್ಟ್ರೀಕರಣ ಕೇಳಿದೆ. 

ನಟ ಆಜಾಝ್ ಖಾನ್‌ ಅವರನ್ನು ಬೇಕೆಂದೇ ಸಿಕ್ಕಿಸಲಾಗಿದೆ ಎಂದು ಹೇಳುವ ವಿಡಿಯೋ ಒಂದನ್ನು ಬಿಜೆಪಿ ಅಲ್ಪಸಂಖ್ಯಾಕ ಘಟಕದ ಉಪಾಧ್ಯಕ್ಷ ಮೌಲಾ ಅಲಿ ಶೇಖ್‌ ತಮ್ಮ ಫೇಸ್‌ ಬುಕ್‌ ನಲ್ಲಿ ಪೋಸ್ಟ್‌ ಮಾಡಿದ್ದರು. 

ನಟ ಆಜಾಝ್ ಖಾನ್‌ ಅನೇಕ ಸಮಾಜ ಸೇವಾ ಚಟುವಟಿಕೆಗಳಲ್ಲಿ ತೊಡಗಿಕೊಂಡಿರುವ ವ್ಯಕ್ತಿ ಎಂಬುದು ಎಲ್ಲರಿಗೂ ತಿಳಿದಿದೆ. ಈ ಪ್ರಕರಣದಲ್ಲಿ ಅವರನ್ನು ಫ್ರೆàಮ್‌ ಮಾಡಲಾಗಿದೆ. ಅವರು ಅಂತಹ ವ್ಯಕ್ತಿ ಅಲ್ಲ’ ಎಂದು ಶೇಖ್‌ ತಮ್ಮ ಪೋಸ್ಟ್‌ ನಲ್ಲಿ ಹೇಳಿದ್ದರು. 

ಮಾಜಿ ಬಿಗ್‌ ಬಾಸ್‌ ಸ್ಪರ್ಧಿ, ನಟ ಖಾನ್‌ ಅವರನ್ನು ನವಿ ಮುಂಬಯಿಯ ಸಿಬಿಡಿ ಬೇಲಾಪುರದ ಹೊಟೇಲ್‌ ಕೋಣೆಯೊಂದರಲ್ಲಿ ಕಳೆದ ಸೋಮವಾರ ಮಾದಕ ಔಷಧ (ಎಕ್‌ಸ್ಟೆಸಿ ಟ್ಯಾಬ್‌ಲೆಟ್‌) ಹೊಂದಿದ್ದ ಕಾರಣಕ್ಕೆ ಪೊಲೀಸರು ಬಂಧಿಸಿದ್ದರು.