ಗೋವಾ ವಿಧಾನಸಭೆ: ಮೂವರು ಆಸ್ವಸ್ಥ ಸಚಿವರು ಗೈರು

ಪಣಜಿ : ಕಳೆದ ಜುಲೈ 19ರಿಂದ ಆರಂಭಗೊಂಡಿರುವ ಗೋವಾ ವಿದಾನಸಭೆಯ ಕಲಾಪಗಳಲ್ಲಿ ಸರಕಾರದ ಮೂವರು ಸಚಿವರು ಅನಾರೋಗ್ಯದಿಂದ ಪಾಲ್ಗೊಳ್ಳುತ್ತಿಲ್ಲ.  

ಈ ಸಚಿವರ ಖಾತೆಗೆ ಸಂಬಂಧಿಸಿದ ಪ್ರಶ್ನೆಗಳಿಗೆ ಸದನದಲ್ಲಿ  ಮುಖ್ಯಮಂತ್ರಿ ಮನೋಹರ್‌ ಪಾರೀಕರ್‌ ಅವರೇ ಉತ್ತರಿಸುತ್ತಾರೆ ಎಂದು ಮೂಲಗಳು ತಿಳಿಸಿವೆ. ಪಾರೀಕರ್‌ ಅವರು ಈಚೆಗಷ್ಟೇ ಅಮೆರಿಕದಲ್ಲಿ ಚಿಕಿತ್ಸೆ ಪಡೆದು ಮರಳಿದ್ದಾರೆ. 

ಅನಾರೋಗ್ಯ ಪೀಡಿತ ಸಚಿವರೆಂದರೆ : ವಿದ್ಯುತ್‌ ಸಚಿವ ಪಾಂಡುರಂಗ ಮಡ್‌ಕಾಯಿಕರ್‌ (ಇವರು ಕಳೆದ ತಿಂಗಳಿಂದ ಮುಂಬಯಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ), ನಗರಾಭಿವೃದ್ಧಿ ಸಚಿವ ಫ್ರಾನ್ಸಿಸ್‌ ಡಿ’ಸೋಜಾ (ಇವರು ಮುಂಬಯಿ ಆಸ್ಪತ್ರೆಯಲ್ಲಿ ಹೆಲ್ತ್‌ ಚೆಕಪ್‌ ನಲ್ಲಿದ್ದಾರೆ), ಸಾರಿಗೆ ಸಚಿವ ಸುದಿನ್‌ ಧವಳೀಕರ್‌ (ಅನಾರೋಗ್ಯದಿಂದ್ದಾರೆ).