Goa; ರಾಜಭವನ ಆವರಣದಲ್ಲಿ ಕಾಣಿಸಿಕೊಂಡ ಬೃಹತ್ ಮೊಸಳೆ

ಪಣಜಿ: ಗೋವಾ ರಾಜ್ಯಪಾಲರ ನಿವಾಸ ರಾಜಭವನ ಆವರಣದಲ್ಲಿ ಬುಧವಾರ 8 ಅಡಿ ಉದ್ದದ ಮೊಸಳೆ ಕಾಣಿಸಿಕೊಂಡು ಆತಂಕಕ್ಕೆ ಕಾರಣವಾಯಿತು. ಇದು ಮಾರ್ಷ್ ಕ್ರೊಕೊಡೈಲ್ ಕುಲದ ಸಂಪೂರ್ಣವಾಗಿ ಬೆಳೆದ ಮೊಸಳೆಯಾಗಿತ್ತು. ಈ ವಿಷಯ ತಿಳಿದ ರಾಜ್ಯಪಾಲ ಪಿ.ಎಸ್. ಶ್ರೀಧರನ್ ಪಿಳ್ಳೈ ರವರ ಕಚೇರಿ ತತ್ ಕ್ಷಣ ಅರಣ್ಯ ಇಲಾಖೆಗೆ ಮಾಹಿತಿ ನೀಡಿತು.

ಕೂಡಲೇ ಅರಣ್ಯ ಇಲಾಖೆಯ ನಿಯೋಗ ಅರಮನೆಗೆ ಆಗಮಿಸಿ, ರಾಜ್ಯಪಾಲ ಶ್ರೀಧರನ್ ನೇತೃತ್ವದಲ್ಲಿ ಮೊಸಳೆಯನ್ನು ಸುರಕ್ಷಿತವಾಗಿ ಸೆರೆ ಹಿಡಿಯಲಾಯಿತು. ಟೆಂಪೋದಲ್ಲಿ ಮೊಸಳೆಯನ್ನು ಸಾಗಿಸಲಾಗಿದ್ದು, ಸುರಕ್ಷಿತ ವಾಸಸ್ಥಳಕ್ಕೆ ಬಿಡಲಾಗುವುದು ಎಂದು ಅರಣ್ಯ ಇಲಾಖೆ ಮಾಹಿತಿ ನೀಡಿದೆ. ಈ ವೇಳೆ ಮಾಜಿ ಮುಖ್ಯಮಂತ್ರಿ ಲುಯಿಝಿನ್ಹೋ ಫಾಲೆರೊ ಕೂಡ ಉಪಸ್ಥಿತರಿದ್ದರು.