ಅಮೆರಿಕದಲ್ಲಿ ಭಾರತೀಯರಿಗೆ ತೀವ್ರ ಆತಂಕ: ಸಿಖ್‌ ವ್ಯಕ್ತಿಯ ಮೇಲೆ ದಾಳಿ 

ವಾಗಿಂಗ್ಟನ್‌ : ಅಮೆರಿಕದಲ್ಲಿ ಜನಾಂಗೀಯ ದ್ವೇಷದಲ್ಲಿ ದಾಳಿ ಮುಂದುವರಿದಿದ್ದು, ಶುಕ್ರವಾರರಾತ್ರಿ  ಮತ್ತೆ ಭಾರತೀಯ ಮೂಲದ ಸಿಖ್‌ ವ್ಯಕ್ತಿಯ ಮೇಲೆ ದಾಳಿ ಮಾಡಿರುವ ಬಗ್ಗೆ ವರದಿಯಾಗಿದೆ. 

ಅಮೆರಿಕದ ಕನ್ಸಾಸ್‌ ಸಿಟಿಯಲ್ಲಿ ಆಂಧ್ರಪ್ರದೇಶ ಮೂಲದ ಎಂಜಿನಿಯರ್‌ ಶ್ರೀನಿವಾಸ ಕುಚಿಭೋಟ್ಲಾ ಹತ್ಯೆ, ದಕ್ಷಿಣ ಕ್ಯಾರೊಲಿನಾದಲ್ಲಿ ಭಾರತೀಯ ಮೂಲದ ವ್ಯಾಪಾರಿ ಹರ್ನಿಷ್‌ ಪಟೇಲ್‌ (43)  ಗುಂಡಿಟ್ಟು ಹತ್ಯೆ ಮಾಡಿದ ಬೆನ್ನಲ್ಲೇ ಈ ದಾಳಿ ನಡೆದಿದೆ. 

ಕಾರಿನಲ್ಲಿ ಬರುತ್ತಿದ್ದ ವೇಳೆ ಮುಸುಕುಧಾರಿಯೊಬ್ಬ ಅಡ್ಡಗಟ್ಟಿ ಗುಂಡು ಹಾರಿಸಿ ನಿನ್ನ ದೇಶಕ್ಕೆ ತೊಲಗು ಎಂದು ಕೂಗಿರುವುದಾಗಿ 39 ವರ್ಷ ದ ಸಿಖ್‌ ವ್ಯಕ್ತಿ ಪೊಲೀಸರಿಗೆ ತಿಳಿಸಿದ್ದಾರೆ. ಅವರು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ. 

ಘಟನೆಗಳಿಂದ ಭಾರತೀಯರು ತೀವ್ರ ಆತಂಕಿತರಾಗಿದ್ದು, ಜೀವ ಕೈಯಲ್ಲಿ ಹಿಡಿದು ಮನೆಯಿಂದ ಹೊರಬರಬೇಕಾಗಿದೆ. ನಿರಂತರ ದಾಳಿಗಳು ಭಾರತೀಯರನ್ನು ತೀವ್ರ ಭಯ ಭೀತಗೊಳಿಸಿವೆ.