‘ಗೋ ಏರ್‌’ : 18 ವಿಮಾನಗಳ ಸಂಚಾರ ರದ್ದು

ಮುಂಬಯಿ: ವಿಮಾನಗಳು ಹಾಗೂ ಸಿಬಂದಿಯ ಅಲಭ್ಯತೆಯಿಂದ ಗೋ ಏರ್‌ ಸಂಸ್ಥೆಯು ತನ್ನ 18 ವಿಮಾನಗಳ ಸಂಚಾರವನ್ನು ಸೋಮವಾರ ರದ್ದುಪಡಿಸಿತು. ಇದರಿಂದಾಗಿ ಮುಂಬಯಿ, ಗೋವಾ, ಬೆಂಗಳೂರು, ದಿಲ್ಲಿ, ಶ್ರೀನಗರ, ಜಮ್ಮು, ಪಾಟ್ನಾ, ಇಂದೋರ್‌, ಕೋಲ್ಕತಾದಿಂದ ಹೊರಡಬೇಕಿದ್ದ ವಿಮಾನಗಳು ಸ್ಥಗಿತಗೊಂಡವು.

ಪೌರತ್ವ ತಿದ್ದುಪಡಿ ಕಾಯ್ದೆಯಿಂದ ಸಂಭವಿಸಿದ ಪ್ರತಿಭಟನೆ, ಹೋರಾಟ, ಹವಾಮಾನ ಮತ್ತಿತರ ಕಾರಣಗಳಿಂದ ನಮಗೆ ಸರಕುಗಳ ಪೂರೈಕೆಯಲ್ಲಿ ವ್ಯತ್ಯಯ ಆಗಿದೆ. ಹೀಗಾಗಿ ವಿಮಾನ ಸಂಚಾರವನ್ನು ರದ್ದುಪಡಿಸಲಾಗಿದೆ ಎಂದು ಸಂಸ್ಥೆ ಸ್ಪಷ್ಟನೆ ನೀಡಿದೆ. ದಿಢೀರ್‌ ವಿಮಾನ ಸೇವೆ ರದ್ದುಪಡಿಸಿದ್ದರಿಂದ ಪ್ರಯಾಣಿಕರು ಪರದಾಡಿದರು.