ಜಗತ್ತಿನಾದ್ಯಂತ ಜಿಮೇಲ್‌ ಆ್ಯಪ್‌ ಡೌನ್‌

ಹೊಸದಿಲ್ಲಿ: ಶನಿವಾರ ರಾತ್ರಿ ಸುಮಾರು 8 ಗಂಟೆಯಿಂದ ಭಾರತ ಸಹಿತ ಜಗತ್ತಿನಾದ್ಯಂತ ಜಿಮೇಲ್‌ ಡೌನ್‌ ಆಗಿತ್ತು. ಇ-ಮೇಲ್‌ಗ‌ಳು ಹೋಗುತ್ತಿಲ್ಲ, ಕಳುಹಿಸಲಾಗುತ್ತಿಲ್ಲ, ಸಂದೇಶಗಳು ಬರುತ್ತಿಲ್ಲ, ಜಿಮೇಲ್‌ ಆ್ಯಪ್‌ ಕೂಡ ಕೆಲಸ ಮಾಡುತ್ತಿಲ್ಲ ಎಂದು ಆರೋಪಿಸಿ ಸಾವಿರಾರು ಮಂದಿ ಟ್ವೀಟ್‌ ಮಾಡಿದ್ದಾರೆ.

ಇದಕ್ಕೆ ಪ್ರತಿಕ್ರಿಯಿಸಿರುವ ಗೂಗಲ್‌, “ಜಿಮೇಲ್‌ನಲ್ಲಿ ಸಣ್ಣಮಟ್ಟಿಗೆ ಸಮಸ್ಯೆಯಾಗಿರುವುದು ನಿಜ. ಬಳಕೆದಾರರಿಗೆ ಇಮೇಲ್‌ ರವಾನೆಯಲ್ಲಿ ವಿಳಂಬವಾಗಬಹುದು. ನಮ್ಮ ಎಂಜಿನಿಯರಿಂಗ್‌ ತಂಡವು ಈ ಸಮಸ್ಯೆಯನ್ನು ಪರಿಹರಿಸುತ್ತಿದೆ. ಅಡಚಣೆಗೆ ಕ್ಷಮೆಯಿರಲಿ’ ಎಂದು ಹೇಳಿದೆ.