Advertisement
ಹೆಜಮಾಡಿಯ ಟೋಲ್‌ ಪ್ಲಾಜಾದಲ್ಲಿ ಮೂಲ್ಕಿಯ ಜನರಿಂದ ಸಂಗ್ರಹಿಸಲಾ ಗುತ್ತಿರುವ ಟೋಲ್‌ನ್ನು ವಿರೋಧಿಸಿ ಮೂಲ್ಕಿ ಅಭಿವೃದ್ಧಿ ನಾಗರಿಕ ಸಮಿತಿಯ ನೇತೃತ್ವದಲ್ಲಿ ನಡೆದ ಮೂಲ್ಕಿ ಬಂದ್‌ ಮತ್ತು ಪ್ರತಿಭಟನ ರ್ಯಾಲಿಗೆ ಮೂಲ್ಕಿಯ ಬಸ್‌ ನಿಲ್ದಾಣದ ಬಳಿ ಚಾಲನೆ ನೀಡಿ ಅವರು ಮಾತನಾಡಿದರು.
ಮೂಲ್ಕಿಯ ಸಾರ್ವಜನಿಕರ ಬೇಡಿಕೆ ನ್ಯಾಯಯುತವಾದುದು. ನವಯುಗ ಸಂಸ್ಥೆಯು ಉದ್ಧಟತನದ ವರ್ತನೆಯನ್ನು ಪುನರಾವರ್ತಿಸದೆ ಟೋಲ್‌ ಸಂಗ್ರಹಿ ಸುವುದನ್ನು ಕೈಬಿಡುವುದು ಸೂಕ್ತ ಎಂದು ಮಾಜಿ ಸಚಿವ ವಿನಯ ಕುಮಾರ್‌ ಸೊರಕೆ ಹೇಳಿ, ಪ್ರತಿಭಟನೆಗೆ ಸಂಪೂರ್ಣ ಬೆಂಬಲವನ್ನು ಘೋಷಿಸಿದರು. ಕಾಮಗಾರಿ ಪೂರ್ಣವಾಗದೆ ಟೋಲ್‌ ಸಂಗ್ರಹ ಸಲ್ಲದು
ಮಾಜಿ ಸಚಿವ ಕೆ. ಅಭಯಚಂದ್ರ ಜೈನ್‌ ಮಾತನಾಡಿ, ನವಯುಗ ಸಂಸ್ಥೆಯ ಮೂಲಕ ಆಗಬೇಕಾದ ಅನೇಕ ಕಾಮಗಾರಿಗಳನ್ನು ತತ್‌ಕ್ಷಣದಿಂದ ಮಾಡಿ ಮುಗಿಸುವ ಬದಲು ಟೋಲ್‌ ಸಂಗ್ರಹ ಮಾಡುವುದು ಸೂಕ್ತವಲ್ಲ. ಜನರ ಭಾವನೆಯನ್ನು ಗೌರವಿ ಸುವುದು ಮುಖ್ಯ ಎಂದು ಹೇಳಿದರು.
Related Articles
Advertisement
ಹೆಜಮಾಡಿ: ಪ್ರತಿಭಟನ ಸಭೆಹೆಜಮಾಡಿಯ ನವಯುಗ ಟೋಲ್‌ ಪ್ಲಾಝಾದ ಬಳಿ ಶಾಂತಿಯುತ ಪ್ರತಿಭಟನ ಸಭೆಯನ್ನು ಉದ್ದೇಶಿಸಿ ಮುಖ್ಯಮಂತ್ರಿಗಳ ಸಂಸದೀಯ ಕಾರ್ಯದರ್ಶಿ ಐವನ್‌ ಡಿ’ಸೋಜಾ ಮಾತನಾಡಿ, ನವಯುಗ ಟೋಲ್‌ ಅಕ್ರಮ ಹಾಗೂ ಜನತೆಯ ಹಕ್ಕಿನ ಪ್ರತಿಪಾದನೆಯ ಹಿನ್ನೆಲೆಯಲ್ಲಿ ಈ ಬಾರಿಯ ಬಜೆಟ್ ಅಧಿವೇಶನದಲ್ಲಿ ತಾನು ಕರಾವಳಿಭಾಗದ ಶಾಸಕರ ನೆರವಿನೊಂದಿಗೆ ವಿಧಾನ ಪರಿಷತ್‌ ಹಾಗೂ ವಿಧಾನಸಭೆಗಳಲ್ಲಿ ನವಯುಗ ಕಂಪೆನಿ ವಿರುದ್ಧ ನಿಲುವಳಿ ಸೂಚನೆಯನ್ನು ಮಂಡಿಸುವುದಾಗಿ ಹೇಳಿದರು. ತೀವ್ರಗಾಮಿಗಳಾಗುವುದಕ್ಕೆ ಅವಕಾಶ ನೀಡಬೇಡಿ
ಶಾಸಕ ಉಮಾನಾಥ ಕೋಟ್ಯಾನ್‌ ಮಾತನಾಡಿ, ಶಾಂತಿಯುತ ಪ್ರತಿಭಟನೆಯನ್ನು ನಡೆಸುವ ಈ ಜಿಲ್ಲೆಯ ಜನರು ತೀವ್ರಗಾಮಿಗಳಾಗುವುದಕ್ಕೆ ನವಯುಗ ನಿರ್ಮಾಣ ಕಂಪೆನಿ ಅವಕಾಶ ನೀಡಬಾರದು. ಮೂಲ್ಕಿಯ ಜನತೆಗೆ ಸುಂಕ ವಿನಾಯಿತಿಯನ್ನು ನೀಡಲೇಬೇಕು ಎಂದು ಅವರು ಹೇಳಿದರು. ಮೂಲ್ಕಿ ಸಂಪೂರ್ಣ ಬಂದ್‌
ಸರಕಾರಿ ಕಚೇರಿ, ಬ್ಯಾಂಕ್‌, ಅಂಚೆ ಕಚೇರಿ, ವಿಮಾ ಕಚೇರಿ ಮೂಲ್ಕಿ ಮತ್ತು ಕಾರ್ನಾಡಿನ ಎಲ್ಲ ಕಾರು, ರಿಕ್ಷಾ ಚಾಲಕರು, ವ್ಯಾಪಾರಿಗಳು ಅಂಗಡಿ- ಮುಂಗಟ್ಟುಗಳನ್ನು ಮುಚ್ಚಿ ಸಂಪೂರ್ಣ ಬಂದ್‌ ಮಾಡಿದರು. ಮೂಲ್ಕಿಯಿಂದ ವಿವಿಧ ಪಕ್ಷ ಮತ್ತು ಸಂಘಟನೆಗಳ ಮುಖಂಡರು ಹೆಜಮಾಡಿ ಟೋಲ್‌ನತ್ತ ಪ್ರತಿಭಟನ ಮೆರವಣಿಗೆ ನಡೆಸಿದರು. ಮುಖ್ಯಮಂತ್ರಿಗಳ ಸಂಸದೀಯ ಕಾರ್ಯದರ್ಶಿ ಐವನ್‌ ಡಿ’ಸೋಜಾ ಮತ್ತು ಅಭಯಚಂದ್ರ ಜೈನ್‌ ಅವರು ಮೆರವಣಿಗೆಯಲ್ಲಿ ಸಾರ್ವಜನಿಕರೊಂದಿಗೆ ಪಾದಯಾತ್ರೆ ನಡೆಸಿದರು. ಪೊಲೀಸ್‌ ಬಂದೋಬಸ್ತ್
ಪೊಲೀಸ್‌ ಬಂದೋಬಸ್ತ್ ಏರ್ಪಡಿಸಲಾಗಿತ್ತು. ಇದರ ಉಸ್ತುವಾರಿಯನ್ನು ಕಾರ್ಕಳದ ಸಹಾಯಕ ಪೊಲೀಸ್‌ ಅಧೀಕ್ಷಕ ಕೃಷ್ಣ ಕಾಂತ್‌, ಕಾಪು ಸಿಪಿಐ ಮಹೇಶ್‌ ಪ್ರಸಾದ್‌ ವಹಿಸಿದ್ದರು. ಜಿಲ್ಲಾ ಮೀಸಲು ಪಡೆ ಪೊಲೀಸ್‌ ತುಕಡಿ, ಅಗ್ನಿಶಾಮಕ ದಳದ ಸಿಬಂದಿ, ಪಡುಬಿದ್ರಿ ಪೊಲೀಸ್‌ ಠಾಣಾ ಸಿಬಂದಿ ಸಹಕರಿಸಿದ್ದರು.