ಸಾಹಸಸಿಂಹನಿಗೆ “ಪಡ್ಡೆಹುಲಿ’ಯ ನಮನ: Watch

ಸಾಹಸಸಿಂಹ ವಿಷ್ಣುವರ್ಧನ್ ಅವರ ಹುಟ್ಟುಹಬ್ಬಕ್ಕೆ “ಪಡ್ಡೆಹುಲಿ’ ಚಿತ್ರತಂಡ ಭರ್ಜರಿ ಗಿಫ್ಟ್​ ನೀಡಿದ್ದು, ಅಭಿನಯ ಭಾರ್ಗವನಿಗೆ ಚಿತ್ರದಲ್ಲಿ ಒಂದು ವಿಶೇಷ ಹಾಡನ್ನು ಸಮರ್ಪಿಸಿದೆ. ನಿರ್ಮಾಪಕ ಕೆ.ಮಂಜು ಅವರ ಪುತ್ರ ಶ್ರೇಯಸ್ ನಟಿಸುತ್ತಿರುವ “ಪಡ್ಡೆಹುಲಿ’ ಚಿತ್ರದಲ್ಲಿ ಕನ್ನಡ ಚಿತ್ರರಂಗ ಮೇರುನಟ ವಿಷ್ಣುವರ್ಧನ್ ಕುರಿತು ರ್ಯಾಪ್​ ಸಾಂಗ್​ವೊಂದನ್ನು ಮಾಡಿದೆ.

ಅಲ್ಲದೇ ಇದರಲ್ಲಿ ವಿಷ್ಣು ಅವರ ವ್ಯಕ್ತಿತ್ವ ಹಾಗೂ ಚಿತ್ರಗಳ ಕುರಿತು ಗುಣಗಾನ ಮಾಡಲಾಗಿದೆ. ಈ ಹಾಡಿನಲ್ಲಿ ಚಿತ್ರದ ನಾಯಕ ಶ್ರೇಯಸ್​ ವಿಷ್ಣುವರ್ಧನ್ ಅವರ ಗೆಟಪ್​ನಲ್ಲಿ ಕಾಣಿಸಿಕೊಂಡು, ಹಿಪ್ ಆಫ್​ ಸ್ಟೈಲಲ್ಲಿ ಹಾಡಿಗೆ ಕುಣಿದಿದ್ದಾರೆ. ಇನ್ನು ಚಿತ್ರವನ್ನು “ಉಪ್ಪು ಹುಳಿ ಖಾರ’ ನಿರ್ಮಿಸಿದ ರಮೇಶ್‌ ರೆಡ್ಡಿ ಅವರು ನಿರ್ಮಿಸುತ್ತಿದ್ದು, ಗುರು ದೇಶಪಾಂಡೆ ನಿರ್ದೇಶನ ಮಾಡುತ್ತಿದ್ದಾರೆ.

ಚಿತ್ರಕ್ಕೆ ಅಜನೀಶ್‌ ಲೋಕನಾಥ್‌ ಅವರ ಸಂಗೀತ ಮತ್ತು ಕೆ.ಎಸ್‌. ಚಂದ್ರಶೇಖರ್‌ ಅವರ ಛಾಯಾಗ್ರಹಣವಿದೆ. ಚಿತ್ರದಲ್ಲಿ ಶ್ರೇಯಶ್‌ಗೆ ನಾಯಕಿಯಾಗಿ ನಿಶ್ವಿ‌ಕಾ ನಾಯ್ಡು ಅಭಿನಯಿಸುತ್ತಿದ್ದು, ಅಮಿತ್‌ ಮುಂತಾದವರು ಇದ್ದಾರೆ. ಪ್ರಮುಖವಾಗಿ ಚಿತ್ರದಲ್ಲಿ ರವಿಚಂದ್ರನ್‌ ಅವರು ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದು, ಅವರಿಗೆ ಜೋಡಿಯಾಗಿ ಸುಧಾರಾಣಿ ನಟಿಸುತ್ತಿದ್ದಾರೆ.