ಫಿಫಾ ಅಧ್ಯಕ್ಷರಾಗಿ ಗಿಯಾನಿ ಇನ್‌ಫ್ಯಾಂಟಿನೊ ಪುನರಾಯ್ಕೆ

ಪ್ಯಾರಿಸ್‌: ಜಾಗತಿಕ ಫ‌ುಟ್‌ಬಾಲ್‌ನ ಮಹಾಸಂಸ್ಥೆ “ಫಿಫಾ’ ಅಧ್ಯಕ್ಷರಾಗಿ ಗಿಯಾನಿ ಇನ್‌ಫ್ಯಾಂಟಿನೊ ಮರು ಆಯ್ಕೆಯಾಗಿದ್ದಾರೆ. ಅವರನ್ನು ಪ್ಯಾರಿಸ್‌ನಲ್ಲಿ ನಡೆದ ಸಭೆಯಲ್ಲಿ ಅವಿರೋಧವಾಗಿ ಆಯ್ಕೆ ಮಾಡಲಾಯಿತು.

ಸ್ವಿಜರ್‌ಲ್ಯಾಂಡ್‌ನ‌ 49 ವರ್ಷದ ಗಿಯಾನಿ 2016ರಲ್ಲಿ ಸೆಫ್ ಬ್ಲಾಟರ್‌ ಫಿಫಾ ಅಧ್ಯಕ್ಷ ಸ್ಥಾನದಿಂದ ಹೊರಬಿದ್ದ ಬೆನ್ನಲ್ಲೇ ಈ ಪ್ರತಿಷ್ಠಿತ ಹುದ್ದೆಯನ್ನು ಅಲಂಕರಿಸಿದ್ದರು. ಯಶಸ್ವಿ ಆಡಳಿತ ನಡೆಸಿದ ಬಳಿಕ ಅವರು ಎರಡನೇ ಅವಧಿಗೂ ಅಧ್ಯಕ್ಷರಾಗಿ ಅಧಿಕಾರ ಸ್ವೀಕರಿಸುತ್ತಿರುವುದು ವಿಶೇಷ. 2023ರ ವರೆಗೆ ಗಿಯಾನಿ ಕಾರ್ಯ ನಿರ್ವಹಿಸಲಿದ್ದಾರೆ.