ಘಾಟ್‌ಕೋಪರ್‌ ಶ್ರೀ ಶನೀಶ್ವರ ದೇವಸ್ಥಾನದ ವಾರ್ಷಿಕ ಮಹೋತ್ಸವ

ಮುಂಬಯಿ: ಘಾಟ್‌ಕೋಪರ್‌ ಪಶ್ಚಿಮದ ಗಾಂವೆªàವಿ ರೋಡ್‌ ಮೌಲನಾ ಕಂಪೌಂಡ್‌ನ‌ ಶ್ರೀ ಶನೀಶ್ವರ ದೇವಸ್ಥಾನದ 55 ನೇ ವಾರ್ಷಿಕ ಮಹೋತ್ಸವದ ಅಂಗವಾಗಿ ಶ್ರೀ ಸತ್ಯನಾರಾಯಣ ದೇವರ ಮಹಾಪೂಜೆ ಹಾಗೂ ಶ್ರೀ ಶನಿದೇವರ ಮಹಾಪೂಜೆಯು ವಿವಿಧ ಧಾರ್ಮಿಕ, ಸಾಂಸ್ಕೃತಿಕ, ಸಾಮಾಜಿಕ  ಕಾರ್ಯಕ್ರಮಗಳೊಂದಿಗೆ ಅದ್ದೂರಿಯಾಗಿ ಜ. 27 ರಂದು ನಡೆಯಿತು.

ಧಾರ್ಮಿಕ ಕಾರ್ಯಕ್ರಮವಾಗಿ ಬೆಳಗ್ಗೆ 7 ರಿಂದ ಗಣಹೋಮ, ಬೆಳಗ್ಗೆ 8 ರಿಂದ ಶ್ರೀ ಸತ್ಯನಾರಾಯಣ ಮಹಾಪೂಜೆ, ಪೂರ್ವಾಹ್ನ 10 ರಿಂದ ತೀರ್ಥ ಪ್ರಸಾದ ವಿತರಣೆ, ತುಲಾಭಾರ ಸೇವೆ, ಮಧ್ಯಾಹ್ನ 12 ರಿಂದ ಅನ್ನಸಂತರ್ಪಣೆ ಜರಗಿತು. ಅನ್ನಸಂತರ್ಪಣೆಯಲ್ಲಿ ಸಾವಿರಾರು ಭಕ್ತಾದಿಗಳು ಪಾಲ್ಗೊಂಡಿದ್ದರು. ಅಪರಾಹ್ನ 4 ರಿಂದ ಭಜನೆ, ರಾತ್ರಿ 8 ರಿಂದ ಮರುದಿನ ಜ. 28 ರಂದು ಮುಂಜಾನೆ 6 ರವರೆಗೆ ಶ್ರೀ ಶನಿದೇವರ ಗ್ರಂಥಪಾರಾಯಣ, ಮಹಾಪೂಜೆ, ಬೆಳಗ್ಗೆ 6 ರಿಂದ ತೀರ್ಥ ಪ್ರಸಾದ ವಿತರಣೆಯನ್ನು ಆಯೋಜಿಸಲಾಗಿತ್ತು.

ಸಮಿತಿಯ ಅಧ್ಯಕ್ಷ ಶಿವರಾಮ ಎ. ಕೋಟ್ಯಾನ್‌, ಗೌರವ ಪ್ರಧಾನ ಕಾರ್ಯದರ್ಶಿ ನವೀನ್‌ ಎಸ್‌. ಸುವರ್ಣ, ಗೌರವ ಕೋಶಾಧಿಕಾರಿ ಗೋಪಾಲ್‌ ಎ. ಕುಂದರ್‌, ಉಪಾಧ್ಯಕ್ಷ ಗಣೇಶ್‌ ಎನ್‌. ರೈ, ಜತೆ ಕಾರ್ಯದರ್ಶಿ ದಿನೇಶ್‌ ಎನ್‌. ರೈ, ಜತೆ ಕೋಶಾಧಿಕಾರಿ ಅಮಿತಾ ಎಸ್‌. ಶೆಟ್ಟಿ, ಕಾರ್ಯಕಾರಿ ಸಮಿತಿಯ ಸದಸ್ಯರುಗಳಾದ ರಾಮ ಸಿ. ಕೋಟ್ಯಾನ್‌, ಸತೀಶ್‌ ಕೆ. ಹೆಗ್ಡೆ, ರಾಮ ಎಸ್‌. ರಾಣೆ, ಪ್ರದೀಪ್‌ ಎಸ್‌. ಸುವರ್ಣ, ಜಯಕರ ಶೆಟ್ಟಿ, ಮುಕುಂದ್‌  ಎಸ್‌. ಬಂಗೇರ, ಸುರೇಶ್‌ ಡಿ. ಬಂಗೇರ, ಶಶಿಪ್ರಭಾ ಸಿ. ಶೆಟ್ಟಿ, ವಿಶ್ವನಾಥ ಶೆಟ್ಟಿ, ಯೋಗೇಶ ಆಳ್ವ, ಸುಪ್ರೀತಾ ಡಿ. ಶೆಟ್ಟಿ, ಸುರೇಂದ್ರ ಬೆಳ್ಚಡ, ರವಿರಾಜ್‌ ಎಂ. ಶೆಟ್ಟಿ, ಪ್ರಧಾನ ಅರ್ಚಕ ಅರಮನೆ ರಾಘವೇಂದ್ರ ಭಟ್‌ ಅವರ ನೇತೃತ್ವದಲ್ಲಿ ಉತ್ಸವವು ಅದ್ದೂರಿಯಾಗಿ ನೆರವೇರಿತು. ನಗರ ಮತ್ತು ಉಪನಗರಗಳಿಂದ ಸಾವಿರಾರು ಭಕ್ತಾದಿಗಳು ಪಾಲ್ಗೊಂಡು ಪ್ರಸಾದ ಸ್ವೀಕರಿಸಿ ಕಾರ್ಯಕ್ರಮದ ಯಶಸ್ಸಿಗೆ ಸಹಕರಿಸಿದರು. 

ಚಿತ್ರ-ವರದಿ: ಸುಭಾಷ್‌ ಶಿರಿಯಾ