Georgia: ಕಾರ್ಬನ್‌ ಮೊನಾಕ್ಸೈಡ್‌ ಸೋರಿಕೆ 12 ಭಾರತೀಯರ ಸಾ*ವು

ಟಬ್ಲೀಸಿ: ಶಂಕಿತ ಕಾರ್ಬನ್‌ ಮೊನಾಕ್ಸೆ„ಡ್‌ ಸೋರಿಕೆಯಿಂದ ಜಾರ್ಜಿಯಾದ ಗುಡೌರಿ ಪ್ರದೇಶದ ರೆಸ್ಟೋರೆಂಟೊಂದರಲ್ಲಿ 11 ಭಾರತೀಯ ನೌಕರರು ಶವವಾಗಿ ಪತ್ತೆಯಾಗಿದ್ದಾರೆ ಎಂದು ಅಲ್ಲಿನ ಭಾರತೀಯ ರಾಯಭಾರ ಕಚೇರಿ ತಿಳಿಸಿದೆ. ರೆಸ್ಟೋರೆಂಟ್‌ನ 2ನೇ ಮಹಡಿಯಲ್ಲಿ ನೌಕರರು ವಿಶ್ರಾಂತಿ ತೆಗೆದುಕೊಳ್ಳುವ ಪ್ರದೇಶವಿದ್ದು, ಇದರ ಸಮೀಪದಲ್ಲಿ ಚಾಲೂ ಮಾಡಲಾಗಿದ್ದ ಜನರೇಟರ್‌ನಿಂದ ವಿಷಾನಿಲ ಸೋರಿಕೆಯಾಗಿ ಸಾವು ಸಂಭವಿಸಿದೆ ಎಂದು ಪ್ರಾಥಮಿಕ ತನಿಖೆಯಲ್ಲಿ ತಿಳಿದುಬಂದಿದೆ. ಡಿ.14ರಂದು ಅಲ್ಲಿನ ಸ್ಥಳೀಯ ಆಡಳಿತ ಈ ಬಗ್ಗೆ ಹೇಳಿಕೆ ನೀಡಿ, ಓರ್ವ ಜಾರ್ಜಿಯಾ ಪ್ರಜೆ ಸೇರಿದಂತೆ ಒಟ್ಟು 12 ಜನರು ಶವವಾಗಿ ಪತ್ತೆಯಾಗಿದ್ದಾರೆ. ಈ ಶವಗಳ ಮೇಲೆ ಯಾವುದೇ ಗಾಯಗಳು ಪತ್ತೆಯಾಗಿಲ್ಲ ಆದಾಗ್ಯೂ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ ಎಂದು ತಿಳಿಸಿದೆ.