ಆನ್‌ಲೈನ್‌ ಶಾಪಿಂಗ್‌ ಕ್ಷೇತ್ರಕ್ಕೆ ಅದಾನಿ ಎಂಟ್ರಿ : ವಾಲ್‌ಮಾರ್ಟ್‌ ಜೊತೆಗೆ ಒಪ್ಪಂದ

ನವದೆಹಲಿ: ಭಾರತದ ಆನ್‌ಲೈನ್‌ ಶಾಪಿಂಗ್‌ ವಲಯದ ಮೇಲೆ ಹಿಡಿತ ಸಾಧಿಸಲು ನಡೆಯುತ್ತಿರುವ ತ್ರಿಕೋನ ಸ್ಪರ್ಧೆಗೆ ಈಗ ಉದ್ಯಮಿ ಗೌತಮ್‌ ಅದಾನಿ ಪ್ರವೇಶಿಸಿದ್ದಾರೆ. ಅಮೆಜಾನ್‌.ಕಾಮ್‌, ರಿಲಯನ್ಸ್‌ ಇಂಡಸ್ಟ್ರೀಸ್‌ಗೆ ಪ್ರತಿಸ್ಪರ್ಧಿಯಾಗಿ ಅದಾನಿ ಕೂಡ ಈ ಕ್ಷೇತ್ರಕ್ಕೆ ಕಾಲಿಟ್ಟಿದ್ದಾರೆ.

ಕೋಟ್ಯಧಿಪತಿ ಉದ್ಯಮಿ ಅದಾನಿ ಅವರೊಂದಿಗೆ ವಾಲ್‌ಮಾರ್ಟ್‌ನ ಇ-ಕಾಮರ್ಸ್‌ ಘಟಕವು ಒಪ್ಪಂದ ಮಾಡಿಕೊಂಡಿದ್ದು, ಭಾರತದಲ್ಲಿ ಅತಿದೊಡ್ಡ ರಿಟೇಲ್‌ ದಾಸ್ತಾನು ಕೇಂದ್ರ ಸ್ಥಾಪನೆಗೆ ಉದ್ದೇಶಿಸಲಾಗಿದೆ. ಒಪ್ಪಂದದ ಪ್ರಕಾರ, ಅದಾನಿ ಲಾಜಿಸ್ಟಿಕ್ಸ್‌ ಲಿ. ಸಂಸ್ಥೆಯು ಮುಂಬೈನ ಲಾಜಿಸ್ಟಿಕ್ಸ್‌ ಹಬ್‌ನಲ್ಲಿ 5,34,000 ಚ.ಅಡಿಯ ದಾಸ್ತಾನು ಕೇಂದ್ರವನ್ನು ಸ್ಥಾಪಿಸಿ, ಅದನ್ನು ವಾಲ್‌ಮಾರ್ಟ್‌ನ ಫ್ಲಿಪ್‌ಕಾರ್ಟ್‌ ಆನ್‌ಲೈನ್‌ ಸರ್ವೀಸಸ್‌ಗೆ ಭೋಗ್ಯಕ್ಕೆ ನೀಡಲಿದೆ. 2022ರ 3ನೇ ತ್ತೈಮಾಸಿಕದಲ್ಲಿ ಇದು ಸಿದ್ಧವಾಗಲಿದ್ದು, ದಾಸ್ತಾನು ಕೇಂದ್ರವು 11 ಫ‌ುಟ್ಬಾಲ್‌ ಫೀಲ್ಡ್‌ಗಳ ಗಾತ್ರವಿರಲಿದೆ. ಜತೆಗೆ ಒಂದು ಕೋಟಿಯಷ್ಟು ಸಾಮಗ್ರಿಗಳನ್ನು ದಾಸ್ತಾನಿಡುವ ಸಾಮರ್ಥ್ಯ ಹೊಂದಿರಲಿದೆ.

ಇದನ್ನೂ ಓದಿ :ದೇಶದಲ್ಲಿ ಕೋವಿಡ್ ಪ್ರಕರಣಗಳ ಹೆಚ್ಚಳ : ರಾಜ್ಯಪಾಲರ ಜೊತೆ ಪ್ರಧಾನಿ-ಉಪರಾಷ್ಟ್ರಪತಿ ಸಭೆ