ಕಟ್ಟಿಗೆ ಡಿಪ್ಪೋ ದಲ್ಲಿ ಗ್ಯಾಸ್ ಸಿಲಿಂಡರ್ ಸ್ಫೋಟ : ವಾಹನ ಸೇರಿ ಅಪಾರ ಸೊತ್ತು ಬೆಂಕಿಗಾಹುತಿ

ಗುರುಮಠಕಲ್‌: ಪಟ್ಟಣದ ರಾಜ್ಯ ಹೆದ್ದಾರಿಗೆ ಹೊಂದಿಕೊಂಡ ಬಜರಂಗ್‌ ಟಿಂಬರ್‌ ಡಿಪೋದಲ್ಲಿ ಗ್ಯಾಸ್‌ ಸಿಲಿಂಡರ್‌ ಸ್ಪೋಟದಿಂದ ಅಗ್ನಿ ಅವಘಡ ಸಂಭಸಿ ಲಕ್ಷಾಂತರ ರೂ. ಮೌಲ್ಯದ ಕಟ್ಟಿಗೆ ಸಾಮಗ್ರಿ ಸೇರಿದಂತೆ ಒಂದು ಮಾರುತಿ ಇಕೋ ವಾಹನ ಬೆಂಕಿಗಾಹುತಿಯಾದ ಘಟನೆ ನಡೆದಿದೆ. ಪಟ್ಟಣದ ಪನ್ನಾಲಾಲ್‌ ಪಟೇಲ್‌ ಎಂಬುವವರಿಗೆ ಸೇರಿದ್ದ ಕಟ್ಟಿಗೆ ಡಿಪೋದಲ್ಲಿ ಬೆಳಗ್ಗೆ ಕಾರ್ಮಿಕರು ಅಡುಗೆ ಮಾಡಿಕೊಳ್ಳುವಾಗ ಗ್ಯಾಸ್‌ ಸಿಲಿಂಡರ್‌ ಸ್ಪೋಟಗೊಂಡಿದೆ ಎಂದು ಪ್ರತ್ಯಕ್ಷದರ್ಶಿಗಳು ತಿಳಿಸಿದರು.

ಅಗ್ನಿ ಅವಘಡದಲ್ಲಿ ಗೃಹ ನಿರ್ಮಾಣಕ್ಕೆ ಬೇಕಾದ ಬಾಗಿಲು ಚೌಕಟ್ಟು, ಬಾಗಿಲುಗಳು, ಫ್ಲೈವುಡ್‌ ಹಾಗೂ ಒಂದು ವ್ಯಾನ್‌ ಸುಟ್ಟಿದೆ. ಅಗ್ನಿ ಶಾಮಕ ದಳದ ಸಿಬ್ಬಂದಿ ಬರುವ ಮುನ್ನ ಸ್ಥಳೀಯರೇ ಬೆಂಕಿ ನಂದಿಸುವಲ್ಲಿ ಹರಸಾಹಸ ಪಟ್ಟರು. ಪಟ್ಟಣದಲ್ಲಿರುವ ನೀರಿನ ಟ್ಯಾಂಕರ್‌ ಗಳನ್ನು ತಂದು ಬೆಂಕಿ ನಂದಿಸುವಲ್ಲಿ ಪ್ರಯತ್ನ ಪಟ್ಟರು. ಆದರೆ ಸ್ಥಳೀಯರ ಪ್ರಯತ್ನ ಫಲಿಸದೇ ಸಾಮಿಲ್‌ನಲ್ಲಿ ಇರುವ ವಸ್ತುಗಳು ಸುಟ್ಟು ಕರಕಲಾಗಿವೆ. ಗುರುಮಠಕಲ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಇದನ್ನೂ ಓದಿ : ಕಾಪು: ಐದು ಅಂತಸ್ತಿನ ಗೂಡು ನಿರ್ಮಿಸಿ ಉತ್ತರಕ್ರಿಯೆ