ಗಾರ್ಸಿಯಾ- ಲಡೆನೋವಿಕ್‌ ಚಾಂಪಿಯನ್ಸ್‌; ಡಬಲ್ಸ್‌ನಲ್ಲೂ ಎಡವಿದ ಕೊಕೊ ಗಾಫ್

ಫ್ರೆಂಚ್‌ ಓಪನ್‌ ವನಿತಾ ಸಿಂಗಲ್ಸ್‌ ಪ್ರಶಸ್ತಿಯಿಂದ ವಂಚಿತರಾದ ಅಮೆರಿಕದ ಕೊಕೊ ಗಾಫ್ ಅವರಿಗೆ ಡಬಲ್ಸ್‌ನಲ್ಲೂ ಅದೃಷ್ಟ ಕೈಕೊಟ್ಟಿದೆ.

ಇಲ್ಲಿ ಅವರು ಜೆಸ್ಸಿಕಾ ಪೆಗುಲಾ ಜತೆಗೂಡಿ ಆಡಲಿಳಿದಿದ್ದರು. ರವಿವಾರದ ಫೈನಲ್‌ನಲ್ಲಿ ಆತಿಥೇಯ ದೇಶದ ಕ್ಯಾರೋಲಿನಾ ಗಾರ್ಸಿಯಾ-ಕ್ರಿಸ್ಟಿನಾ ಲಡೆನೋವಿಕ್‌ ಸೇರಿಕೊಂಡು ಅಮೆರಿಕನ್‌ ಜೋಡಿಗೆ 2-6, 6-3, 6-2ರಿಂದ ಆಘಾತವಿಕ್ಕಿತು.

18 ವರ್ಷದ ಕೊಕೊ ಗಾಫ್ ಒಂದೇ ದಿನದ ಅಂತರದಲ್ಲಿ ಅನುಭವಿಸಿದ 2ನೇ ಗ್ರ್ಯಾನ್‌ಸ್ಲಾಮ್‌ ಫೈನಲ್‌ ಸೋಲು ಇದಾಗಿದೆ. ಫ್ರಾನ್‌ಸ ಜೋಡಿ ವಿರುದ್ಧ ಮೊದಲ ಸೆಟ್‌ ಗೆದ್ದ ಹೊರತಾಗಿಯೂ ಅವರಿಗೆ ಮುನ್ನಡೆ ಕಾಯ್ದುಕೊಳ್ಳಲು ಸಾಧ್ಯವಾಗಲಿಲ್ಲ.

ಗಾರ್ಸಿಯಾ-ಲಡೆನೋವಿಕ್‌ ಜೋಡಿಗೆ ಒಲಿದ 2ನೇ ಫ್ರೆಂಚ್‌ ಓಪನ್‌ ಪ್ರಶಸ್ತಿ ಇದಾಗಿದೆ. 2016ರಲ್ಲೂ ಈ ಜೋಡಿ ಚಾಂಪಿಯನ್‌ ಆಗಿ ಮೂಡಿಬಂದಿತ್ತು.