Advertisement
ಕೆರೆಗೂ ಹಾಕ್ತಾರೆ ಕಸ!ಬೆಳೆಯುತ್ತಿರುವ ಗ್ರಾಮೀಣ ಪ್ರದೇಶವಾದ ಗಂಗೊಳ್ಳಿಯಲ್ಲಿ ಪ್ರತಿ ದಿನ ಉತ್ಪತ್ತಿಯಾಗುವ ಕಸವನ್ನು ವಿಲೇವಾರಿ ಮಾಡಲು ಸಮರ್ಪಕವಾದ ವ್ಯವಸ್ಥೆ ಇಲ್ಲದಂತಾಗಿದೆ. ಇದರಿಂದ ಇಲ್ಲಿರುವ ಮುಖ್ಯ ರಸ್ತೆಗಳ ಬದಿ, ಖಾರ್ವಿಕೇರಿಯಲ್ಲಿರುವ ರಸ್ತೆ ಬದಿಗಳು, ಮಾತ್ರವಲ್ಲ ಪ್ರಮುಖವಾದ ಮಡಿವಾಳ ಕೆರೆ ಡಂಪಿಂಗ್ ಯಾರ್ಡ್ಗಳಾಗುತ್ತಿವೆ.
Related Articles
ಗಂಗೊಳ್ಳಿ ಗ್ರಾ.ಪಂ. ವ್ಯಾಪ್ತಿ ಸುಮಾರು 1 ಸಾವಿರ ಎಕರೆಯಷ್ಟಿದ್ದು, ಅಂದಾಜು 13 ಸಾವಿರಕ್ಕೂ ಅಧಿಕ ಮಂದಿ ವಾಸಿಸುತ್ತಿದ್ದಾರೆ. 3,041ರಷ್ಟು ಮನೆ- ವಾಣಿಜ್ಯ ಮಳಿಗೆಗಳಿವೆ. ಇಡೀ ಗ್ರಾಮದಲ್ಲಿ ಒಟ್ಟಾರೆ ಅಂದಾಜು ಪ್ರತಿನಿತ್ಯ 500 ಕೆ.ಜಿ. (5 ಕ್ವಿಂಟಾಲ್) ನಷ್ಟು ಕಸ ಉತ್ಪತ್ತಿಯಾಗುತ್ತಿದೆ. ಆದರೆ ಈಗ 850 ಮನೆ – ವಾಣಿಜ್ಯ ಮಳಿಗೆಗಳಿಂದ ಪ್ರತಿನಿತ್ಯ ಬರೀ 50 – 60 ಕೆ.ಜಿ.ಯಷ್ಟು ಮಾತ್ರ ಕಸ ಸಂಗ್ರಹವಾಗುತ್ತಿದೆ.
Advertisement
ಇನ್ನಷ್ಟು ಮನೆಗಳಿಗೆ ವಿಸ್ತರಣೆಗಂಗೊಳ್ಳಿಯಲ್ಲಿ ಕಸದ ಸಮಸ್ಯೆ ಪರಿಹಾರಕ್ಕೆ ಸಾಧ್ಯವಾಷ್ಟೂ ಪಂಚಾಯತ್ ವತಿಯಿಂದ ಪ್ರಯತ್ನ ಮಾಡುತ್ತಿದ್ದೇವೆ. ಆದರೆ ಮನೆ – ವಾಣಿಜ್ಯ ಮಳಿಗೆಗಳೂ ಹೆಚ್ಚಿರುವುದರಿಂದ ಸಮರ್ಪಕವಾಗಿ ಆಗುತ್ತಿಲ್ಲ. ಶೀಘ್ರ ಕಸ ಸಂಗ್ರಹಕ್ಕಾಗಿ ಟಾಟಾ ಏಸ್ ವಾಹನ ಖರೀದಿಸಲಾಗುವುದು. ಬಳಿಕ ಕಸ ಸಂಗ್ರಹವನ್ನು ಇನ್ನಷ್ಟು ಮನೆಗಳಿಗೆ ವಿಸ್ತರಿಸಲಾಗುವುದು. ಇದಕ್ಕೆ ಜನರ ಸಹಕಾರ, ಸಹಭಾಗಿತ್ವವೂ ಅಗತ್ಯವಾಗಿ ಬೇಕಾಗಿದೆ. ಆದರೆ ರಸ್ತೆ ಬದಿ, ಎಲ್ಲೆಂದರಲ್ಲಿ ಕಸ ಎಸೆಯುವುದು ಸರಿಯಲ್ಲ.
– ಮಾಧವ, ಗಂಗೊಳ್ಳಿ ಪಿಡಿಒ