Advertisement
ಅವರು ಶುಕ್ರವಾರ ಗಂಗೊಳ್ಳಿ ಗ್ರಾ.ಪಂ. ಕಚೇರಿಗೆ ಭೇಟಿ ನೀಡಿ, ಗ್ರಾಮ ಮಟ್ಟದ ವಿವಿಧ ಇಲಾಖೆಗಳ ಅಧಿಕಾರಿಗಳೊಂದಿಗೆ ಚರ್ಚೆ ನಡೆಸಿದರು.
ಗ್ರಾ. ಪಂ. ವ್ಯಾಪ್ತಿಯಲ್ಲಿ ಮಂಜೂರಾದ 63 ಮನೆಗಳ ಪೈಕಿ 18 ಮನೆಗಳು ಪೂರ್ಣಗೊಂಡಿದ್ದು, 848 ನಿವೇಶನ ರಹಿತರಿಗೆ ನಿವೇಶನ ಮತ್ತು 388 ವಸತಿ ರಹಿತರಿಗೆ ವಸತಿ ನೀಡುವ ಸಂಬಂಧ ಸರಕಾರದ ಗಮನ ಸೆಳೆಯಲಾಗುವುದು. 94ಸಿ ಅಡಿಯಲ್ಲಿ ಅರ್ಜಿ ಸಲ್ಲಿಸಿದ 18 ಫಲಾನುಭವಿಗಳ ಅರ್ಜಿ ತಿರಸ್ಕೃತಗೊಂಡಿದ್ದು, 5 ಅರ್ಜಿಗಳು ಇತ್ಯರ್ಥಗೊಳ್ಳದೆ ಬಾಕಿಯಿದೆ. ಬೇಲಿಕೇರಿ ಪ್ರದೇಶದ 40 ಅರ್ಜಿಗಳು ಸಿಆರ್‌ಝಡ್‌ ಕಾನೂನಿನಿಂದ ಹಕ್ಕು ಪತ್ರ ವಿತರಿಸಲು ಸಾಧ್ಯವಾಗಿಲ್ಲ ಎಂದವರು ಹೇಳಿದರು.
Related Articles
ಬೈಂದೂರು ಶಾಸಕ ಬಿ.ಎಂ.ಸುಕುಮಾರ್‌ ಶೆಟ್ಟಿ ಮಾತನಾಡಿ, ಗಂಗೊಳ್ಳಿಯ ಸಮಸ್ಯೆಗಳ ಬಗ್ಗೆ ಚರ್ಚೆ ನಡೆಸಲು ಗ್ರಾಮಕ್ಕೆ ಭೇಟಿ ನೀಡಿ ಅಧಿಕಾರಿಗಳ ಸಭೆ ನಡೆಸಲಾಗುವುದು. ಗಂಗೊಳ್ಳಿಯ ದೊಡ್ಡಹಿತ್ಲು ಚರಂಡಿ ಹೂಳೆತ್ತುವ, ಮಲ್ಯರಬೆಟ್ಟು, ದುರ್ಗಾಕೇರಿ ಸ್ಮಶಾನ ದುರಸ್ತಿ ಬಗ್ಗೆ ಕೂಡಲೇ ಕ್ರಮಕೈಗೊಳ್ಳಬೇಕು ಎಂದರು.
Advertisement
ಚರ್ಚ್‌ ರಸ್ತೆಯಲ್ಲಿರುವ ಮಡಿವಾಳರ ಕೆರೆ ಮತ್ತು ಬಂದರು ಸಮೀಪದ ಕೆರೆ ಒತ್ತುವರಿ ತೆರವು ಹಾಗೂ ಸೂಕ್ತ ಭದ್ರತಾ ವ್ಯವಸ್ಥೆ ಮಾಡುವಂತೆ ಸಾರ್ವಜನಿಕರು ಒತ್ತಾಯಿಸಿದರು.
ಜಿ.ಪಂ. ಸದಸ್ಯೆ ಶೋಭಾ ಪುತ್ರನ್‌, ತಾ. ಪಂ. ಸದಸ್ಯ ಸುರೇಂದ್ರ ಖಾರ್ವಿ, ತಾ. ಪಂ. ಸಹಾಯಕ ನಿರ್ದೇಶಕ ಎಚ್‌.ವಿ.ಇಬ್ರಾಹಿಂಪುರ, ಗ್ರಾ. ಪಂ. ಆಡಳಿತಾಧಿಕಾರಿ ಚಂದ್ರಶೇಖರ್‌, ಕಂದಾಯ ಇಲಾಖೆಯ ರೆವಿನ್ಯೂ ಇನ್ಸ್‌ಪೆಕ್ಟರ್‌ ಅಶೋಕ ಕುಮಾರ್‌, ಗ್ರಾಮಕರಣಿಕ ರಾಘವೇಂದ್ರ ದೇವಾಡಿಗ, ವೈದ್ಯಾಧಿಕಾರಿ ಡಾ| ಶ್ವೇತಾ, ಮೆಸ್ಕಾಂನ ಗಂಗೊಳ್ಳಿ ಶಾಖೆಯ ಜೆಇ ವಿಶ್ವನಾಥ, ಬಂದರು ಇಲಾಖೆಯ ಅಂತೋನಿ, ಸಿಆರ್‌ಪಿ ತಿಲೋತ್ತಮ ನಾಯಕ್‌, ಜಿ.ಪಂ. ಸಹಾಯಕ ಇಂಜಿನಿಯರ್‌ ಶ್ರೀಕಾಂತ್‌, ಗ್ರಾ.ಪಂ. ಸದಸ್ಯರು ಉಪಸ್ಥಿತರಿದ್ದರು.ಪಿಡಿಒ ಬಿ.ಮಾಧವ ಸ್ವಾಗತಿಸಿದರು. ಸಿಬಂದಿ ಶೇಖರ್‌ ಜಿ. ವಂದಿಸಿದರು.
ಮೇಲ್ದರ್ಜೆಗೇರಿಸಲು ಮನವಿಗಂಗೊಳ್ಳಿ ಪ್ರಾಥಮಿಕ ಆರೋಗ್ಯ ಕೇಂದ್ರವನ್ನು ಸಮುದಾಯ ಆರೋಗ್ಯ ಕೇಂದ್ರವನ್ನಾಗಿ ಮೇಲ್ದರ್ಜೆಗೇರಿಸಲು ಮತ್ತು ಖಾಲಿ ಇರುವ ಹುದ್ದೆಗಳನ್ನು ಭರ್ತಿಗೆ ಸರಕಾರಕ್ಕೆ ಮನವಿ ಮಾಡುತ್ತೇನೆ. ಮ್ಯಾಂಗನೀಸ್‌ ವಾರ್ಫ್‌ ಪ್ರದೇಶದಲ್ಲಿ ದಾರದೀಪ ಅಳವಡಿಕೆ ಹಾಗೂ ಚರಂಡಿ ದುರಸ್ತಿ ಬಗ್ಗೆ ಬಂದರು ಇಲಾಖೆಯ ನಿರ್ದೇಶಕರೊಂದಿಗೆ ಚರ್ಚೆ ನಡೆಸಿ ಸೂಕ್ತ ಕ್ರಮ, ಗಂಗೊಳ್ಳಿ ವಿದ್ಯುತ್‌ ಉಪಕೇಂದ್ರವನ್ನು 24*7 ಆಗಿ ಮಾಡಲು ಇಲಾಖೆಯ ಮೇಲೆ ಒತ್ತಡ ತರಲಾಗುವುದು, ಗಂಗೊಳ್ಳಿ ಮೀನುಗಾರಿಕಾ ಬಂದರಿನ ಸಮಸ್ಯೆಗಳ ಬಗ್ಗೆ ಚರ್ಚೆ ನಡೆಸಲು ಮುಂದಿನ ವಾರ ಬಂದರಿಗೆ ಭೇಟಿ ನೀಡಲಾಗುವುದು. ಗಂಗೊಳ್ಳಿಗೆ ಅಗತ್ಯವಿರುವ ರಿಂಗ್‌ ರೋಡ್‌ ನಿರ್ಮಾಣದ ಸಾಧಕ ಬಾಧಕಗಳ ಬಗ್ಗೆ ಸ್ಥಳೀಯ ಮುಖಂಡರೊಂದಿಗೆ ಚರ್ಚೆ ನಡೆಸಿ ಸಂಬಂಧಪಟ್ಟ ಇಲಾಖೆಯ ಇಂಜಿನಿಯರ್‌ ಮೂಲಕ ಅಂದಾಜುಪಟ್ಟಿ ಸಿದ್ಧಪಡಿಸಿ ಕೊಡುವಂತೆ ಕೋಟ ಇದೇ ವೇಳಿ ತಿಳಿಸಿದರು