Advertisement
ಆಯುಕ್ತರ ಅಧ್ಯಕ್ಷತೆಯಲ್ಲಿ, ಡಿಸಿಪಿಗಳಾದ ಅರುಣಾಂಷುಗಿರಿ ಮತ್ತು ಲಕ್ಷ್ಮೀ ಗಣೇಶ್‌ ಉಪಸ್ಥಿತಿಯಲ್ಲಿ ನಡೆದ ಸಭೆಯಲ್ಲಿ ಪೊಲೀಸ್‌ ಅಧಿಕಾರಿಗಳು, ಗಣೇಶೋತ್ಸವ ಕಾರ್ಯಕ್ರಮ ಸಂಘಟಕರು ಮತ್ತು ಪ್ರತಿನಿಧಿಗಳು ಭಾಗವಹಿಸಿದ್ದರು. ಈ ಸಂದರ್ಭ ಸಂಘಟಕರಿಗೆ ಕೆಲವೊಂದು ಸೂಚನೆಗಳನ್ನು ನೀಡಲಾಯಿತು.
* ಪ್ರಸಾದ ತಯಾರಿ ಮತ್ತು ವಿತರಣೆಯ ಬಗ್ಗೆ ವಿಶೇಷ ಕಾಳಜಿ ವಹಿಸಬೇಕು.
* ಕಾರ್ಯಕ್ರಮ ನಡೆಯುವ ವೇದಿಕೆಯನ್ನು ಪಿಡಬ್ಲ್ಯುಡಿ ಎಂಜಿನಿಯರ್‌ ಪರಿವೀಕ್ಷಣೆ ನಡೆಸಿ ವರದಿ ಪಡೆಯುವುದು. ಅದೇ ರೀತಿ ವೇದಿಕೆ, ಪೆಂಡಾಲ್‌ಗ‌ಳನ್ನು ಮೆಸ್ಕಾಂ ಎಂಜಿನಿಯರ್‌ ಮುಖೇನ ಪರೀಕ್ಷಿಸಲು ಕ್ರಮಕೈಗೊಳ್ಳುವುದು.
* ಗಣೇಶೋತ್ಸವ ಸ್ಥಳ ಸಾರ್ವಜನಿಕ ಸ್ಥಳವಾಗಿದ್ದರೆ ಸಂಬಂಧಿತ ಸಿ ಪ್ರಾಧಿಕಾರದಿಂದ ಅನುಮತಿ ಪಡೆದುಕೊಳ್ಳುವುದು.
* ಗಣೇಶ ವಿಗ್ರಹ ವಿಸರ್ಜನ ಸ್ಥಳದಲ್ಲಿ ಸರಿಯಾದ ಬ್ಯಾರಿಕೇಡ್‌ ವ್ಯವಸ್ಥೆ, ಬೆಳಕಿನ ವ್ಯವಸ್ಥೆ, ಸ್ಥಳದಲ್ಲಿ ಚಾಲಕರು, ನುರಿತ ಈಜುಗಾರರು ಹಾಜರಿರುವಂತೆ ನೋಡಿಕೊಳ್ಳುವುದು.
* ಗಣೇಶ ಮೂರ್ತಿಯ ವಿಸರ್ಜನ ಮೆರವಣಿಗೆ ನಿಗದಿತ ಸಮಯಕ್ಕೆ ಆರಂಭ ಮತ್ತು ವಿಸರ್ಜನೆಯಾಗುವಂತೆ ನೋಡಿಕೊಳ್ಳಬೇಕು. ಈ ವಿಷಯದಲ್ಲಿ ಗೊಂದಲವಾಗದಂತೆ ಎಚ್ಚರವಹಿಸುವುದು.
* ಮೆರವಣಿಗೆ ಟ್ಯಾಬ್ಲೋಗಳ ಬಗ್ಗೆ ಮುಂಚಿತವಾಗಿ ಪೊಲೀಸರಿಗೆ ಮಾಹಿತಿ ನೀಡುವುದು. ಸ್ತಬ್ದಚಿತ್ರಗಳು ಯಾವುದೇ ಧರ್ಮದ ಜನರ ಭಾವನೆಗಳಿಗೆ ನೋವುಂಟು ಮಾಡುವಂತದ್ದಾಗಿರಬಾರದು.
* ಮೆರವಣಿಗೆ ನಿರ್ವಹಣೆಗೆ ಸಂಘಟಕರು ಗರಿಷ್ಠ ಸಂಖ್ಯೆಯ ಸ್ವಯಂಸೇವಕರನ್ನು ನಿಯೋಜಿಸುವುದು.
* ಮೆರವಣಿಗೆ ಸಮಯ ಯುವಕರಿಗೆ ಹಬ್ಬದ ಆಚರಣೆ ಬಗ್ಗೆ ಹಾಗೂ ಮಹತ್ವದ ಬಗ್ಗೆ ಅರಿವು ಮೂಡಿಸುವುದು.
* ಸೂಕ್ಷ್ಮಪ್ರದೇಶಗಳಲ್ಲಿ ಪಟಾಕಿಗಳನ್ನು ಸಿಡಿಸದಂತೆ, ಪಟಾಕಿ ಸಿಡಿಸುವ ಸಮಯ ಜಾಗರೂಕರಾಗಿರುವುದು. ಸಾರ್ವಜನಿಕ ಆಸ್ತಿಗೆ ಯಾವುದೇ ಹಾನಿಯಾಗದಂತೆ ನೋಡಿಕೊಳ್ಳುವುದು.
* ಪೆಂಡಾಲ್‌ಗ‌ಳಿಗೆ ಸಿಸಿಟಿವಿಯನ್ನು ಅಳವಡಿಸಿ ಅದರ ಡಾಟಾವನ್ನು ಸಂಗ್ರಹಿಸಿಡುವುದು.
* ಗಣೇಶೋತ್ಸವ ಆಚರಣೆಯ ಪೆಂಡಾಲ್‌ನಲ್ಲಿ ಅಗ್ನಿ ಅನಾಹುತ ಸಂಭವಿಸದಂತೆ ಎಚ್ಚರ ವಹಿಸುವುದು. ಇದಕ್ಕಾಗಿ ಅಗ್ನಿ ಶಾಮಕ ಸಾಧನಗಳನ್ನು ಅಳವಡಿಸುವುದು.
* ಪೆಂಡಾಲ್‌ನಲ್ಲಿ ಗರಿಷ್ಠ ಸಂಖ್ಯೆಯ ಸ್ವಯಂಸೇವಕರು ರಾತ್ರಿ ವೇಳೆ ಭದ್ರತೆ ನೋಡಿಕೊಳ್ಳಬೇಕು.
* ಪೊಲೀಸ್‌ ಬೀಟ್‌ ಕಾನ್‌ಸ್ಟೆಬಲ್‌ ಮೊಬೈಲ್‌ ನಂಬರ್‌ ಹಾಗೂ ಹಿರಿಯ ಪೊಲೀಸ್‌ ಅಧಿಕಾರಿಗಳ ಮೊಬೈಲ್‌ ನಂಬರನ್ನು ಆಯೋಜಕರು ಹೊಂದಿರಬೇಕು.
* ಧ್ವನಿವರ್ಧಕಗಳನ್ನು ಬಳಸಲು ಅನುಮತಿ ಪಡೆಯಬೇಕು.
* ಮೆರವಣಿಗೆಯಲ್ಲಿ ಭಾಗವಹಿಸುವವರು ಮದ್ಯಪಾನ ಮಾಡದಂತೆ ಸೂಚನೆ ನೀಡುವುದು.
* ಗಣೇಶೋತ್ಸವ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಯಾವುದೇ ಸುಳ್ಳು ಸುದ್ದಿ ಹಾಗೂ ವದಂತಿ ಹರಡಿಸದಂತೆ ನೋಡಿಕೊಳ್ಳುವುದು.
* ರಾಜ್ಯದಲ್ಲಿ ಡಿಜೆಯನ್ನು ನಿರ್ಬಂಧಿಸಲಾಗಿದ್ದು, ಡಿಜೆಯನ್ನು ಅಳವಡಿಸಿ ಶಬ್ದ ಮಾಲಿನ್ಯ ಮಾಡುವವರ ವಿರುದ್ಧ ಶಿಸ್ತು ಕ್ರಮಕೈಗೊಳ್ಳಲಾಗುವುದು.
* ಸಾರ್ವಜನಿಕ ಸ್ಥಳಗಳಲ್ಲಿ ಬ್ಯಾನರ್‌, ಬಂಟಿಂಗ್ಸ್‌ ಅಳವಡಿಸುವಾಗ ಸಂಬಂಧಪಟ್ಟ ಅಧಿಕಾರಿಗಳಿಂದ, ಪೊಲೀಸ್‌ ಇಲಾಖೆಯಿಂದ ಅನುಮತಿ ಪಡೆದುಕೊಳ್ಳುವುದು. ಹಬ್ಬ ಮುಗಿದ ಕೂಡಲೇ ಬ್ಯಾನರ್‌, ಬಂಟಿಂಗ್ಸ್‌ ತೆರವು ಮಾಡುವುದು.