ಡಬ್ಬಿಂಗ್‌ನಲ್ಲಿ ಗಣೇಶ್‌ ಗಿಮಿಕ್‌

ಗೋಲ್ಡನ್‌ ಸ್ಟಾರ್‌ ಗಣೇಶ್‌ ಅಭಿನಯದ “ಗಿಮಿಕ್‌’ ಚಿತ್ರದ ಪೋಸ್ಟ್‌ ಪ್ರೊಡಕ್ಷನ್‌ ಕೆಲಸಗಳು ಭರದಿಂದ ನಡೆಯುತ್ತಿದೆ. ಇತ್ತೀಚೆಗೆ ರೇಣುಕಾಂಬ ಸ್ಟುಡಿಯೋದಲ್ಲಿ “ಗಿಮಿಕ್‌’ ಚಿತ್ರದ ಡಬ್ಬಿಂಗ್‌ ಕಾರ್ಯ ಪೂರ್ಣಗೊಂಡಿದ್ದು, ಇದೀಗ ಚಿತ್ರದ ರೀ-ರೆಕಾರ್ಡಿಂಗ್‌ ಕಾರ್ಯಗಳು ಆರಂಭಗೊಂಡಿದೆ.

“ಸಾಯಿ ಪಿಕ್ಚರ್’ ಲಾಂಛನದಡಿಯಲ್ಲಿ ದೀಪಕ್‌ ನಿರ್ಮಿಸುತ್ತಿರುವ “ಗಿಮಿಕ್‌’ ಚಿತ್ರವನ್ನು ನಾಗಣ್ಣ ನಿರ್ದೇಶಿಸುತ್ತಿದ್ದಾರೆ. ಚಿತ್ರದ ಹಾಡುಗಳಿಗೆ ಅರ್ಜುನ್‌ ಜನ್ಯಾ ಸಂಗೀತ ಸಂಯೋಜನೆಯಿದ್ದು, ಕವಿರಾಜ್‌ ಸಾಹಿತ್ಯ, ನಂಜುಂಡ ಸಂಭಾಷಣೆ ಒದಗಿಸಿದ್ದಾರೆ. ಚಿತ್ರಕ್ಕೆ ವಿಘ್ನೇಶ್‌ ಛಾಯಾಗ್ರಹಣ, ಸುರೇಶ್‌ ಅರಸ್‌ ಸಂಕಲನ ಕಾರ್ಯವಿದೆ.

ಚಿತ್ರದಲ್ಲಿ ನಾಯಕ ಗಣೇಶ್‌ಗೆ ನಾಯಕಿಯಾಗಿ ರೋನಿಕಾ ಸಿಂಗ್‌ ಜೋಡಿಯಾಗಿದ್ದಾರೆ. ಉಳಿದಂತೆ ಸುಂದರ ರಾಜ್‌, ಶೋಭರಾಜ್‌, ಮಂಡ್ಯ ರಮೇಶ್‌, ಚಿ. ಗುರುದತ್‌, ರವಿಶಂಕರ್‌ ಗೌಡ, ಸಂಗೀತಾ, ಶ್ವೇತಾ ಮುಂತಾದವರು ಚಿತ್ರದ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ.