Gadag; ಸಿಎಂ ಸಿದ್ದರಾಮಯ್ಯರಿದ್ದ ಹೆಲಿಕಾಪ್ಟರ್ ಲ್ಯಾಂಡಿಗ್ ನಲ್ಲಿ ಭಾರಿ ಗೊಂದಲ

ಗದಗ: ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರಿದ್ದ ಹೆಲಿಕಾಪ್ಟರ್ ಲ್ಯಾಂಡ್ ಆಗುವಾಗ ಗೊಂದಲ ಉಂಟಾದ ಘಟನೆ ಗದಗ ನಗರದಲ್ಲಿ ರವಿವಾರ ನಡೆದಿದೆ.

ಗದಗ ನಗರದಲ್ಲಿ ಬಾಲಕಿಯರ ಬಾಲ ಮಂದಿರ ಉದ್ಘಾಟನೆ ಮಾಡಲು ಸಿಎಂ ಸಿದ್ದರಾಮಯ್ಯ ಆಗಮಿಸಿದ್ದರು. ಈ ವೇಳೆ ಹೆಲಿಕಾಪ್ಟರ್ ಲ್ಯಾಂಡಿಗ್ ನಲ್ಲಿ ಭಾರಿ ಗೊಂದಲವಾಗಿದೆ.

ಎರಡು ಹೆಲಿಪ್ಯಾಡ್ ಇರುವುದರಿಂದ ಪೈಲೆಟ್ ಗೊಂದಲ ಮಾಡಿಕೊಂಡರು. ಒಂದು ಹೆಲಿಪ್ಯಾಡ್ ನಲ್ಲಿ ಅರ್ಧ ಇಳಿಸಿ, ಮತ್ತೆ ಹೆಲಿಕಾಪ್ಟರ್ ಮೇಲೆ ಹಾರಿತು. ಕೊನೆಗೆ ಪಕ್ಕದಲ್ಲಿನ ಹೆಲಿಪ್ಯಾಡ್ ನಲ್ಲಿ ಪೈಲೆಟ್ ಲ್ಯಾಂಡ್ ಮಾಡಿದರು.

ಲ್ಯಾಂಡಿಂಗ್ ಗೊಂದಲದಿಂದ ಪೊಲೀಸರು, ಜಿಲ್ಲಾಡಳಿತ, ಕಾಂಗ್ರೆಸ್ ಮುಖಂಡರು ಹಾಗೂ ಕಾರ್ಯಕರ್ತರು ಒಂದು ಕ್ಷಣ ಕಕ್ಕಾಬಿಕ್ಕಿಯಾದರು.