ಲಾಸ್ ಏಂಜಲೀಸ್: ಕಳೆದ ವರ್ಷದ ಮೃತಪಟ್ಟ ಫ್ರೆಂಡ್ಸ್‌ (Friends)ಖ್ಯಾತಿಯ ನಟ ಮ್ಯಾಥ್ಯೂ ಪೆರ್ರಿ (Matthew Perry) ಪ್ರಕರಣಕ್ಕೆ ಸಂಬಂಧಪಟ್ಟು ಪೊಲೀಸರು ಐವರನ್ನು ಬಂಧಿಸಿದ್ದಾರೆ. ಪೆರ್ರಿ ವೈದ್ಯರು, ಸಹಾಯಕರು ಮತ್ತು 41 ವರ್ಷದ ಮಹಿಳೆಯನ್ನು ಬಂಧಿಸಲಾಗಿದೆ. ಇದೀಗ ಈ ಮಹಿಳೆಯ ಬಗ್ಗೆ ಕುತೂಹಲಕಾರಿ ಮಾಹಿತಿ ಹೊರಬಿದ್ದಿದೆ.
41 ವರ್ಷದ ಜಸ್ವೀನ್‌ ಸಂಘಾ (Jasveen Sangha) ಎಂಬಾಕೆಯನ್ನು ಬಂಧಿಸಲಾಗಿದೆ. “ಕೆಟಮೈನ್ ಕ್ವೀನ್ ಆಫ್ ಲಾಸ್ ಏಂಜಲೀಸ್” (Ketamine Queen of Los Angeles) ಎಂದು ಕರೆಯಲ್ಪಡುವ ಬ್ರಿಟಿಷ್ ಮತ್ತು ಅಮೇರಿಕನ್ ಪ್ರಜೆಯಾಗಿರುವ ಸಂಘಾ, ಕಳೆದ ವರ್ಷ 54 ವರ್ಷದ ಅಮೇರಿಕನ್ ನಟನನ್ನು ಕೊಂದ ಕೆಟಮೈನ್‌ನ ಮಾರಕ ಡೋಸ್ ಪೂರೈಸಿದ ಆರೋಪದಡಿ ಪೊಲೀಸರು ಅತಿಥಿಯಾಗಿದ್ದಾಳೆ.
ಸಂಘಾ ತನ್ನ ಹಾಲಿವುಡ್ ಮನೆಯಿಂದ ಡ್ರಗ್ ಸಾಮ್ರಾಜ್ಯವನ್ನು ನಡೆಸುತ್ತಿದ್ದಳು, ಅಲ್ಲಿ ಅವಳು ಮೆಥಾಂಫೆಟಮೈನ್‌ ಗಳು, ಕೊಕೇನ್ ಮತ್ತು ಪ್ರಿಸ್ಕ್ರಿಪ್ಷನ್ ಡ್ರಗ್ಸ್ ಅನ್ನು ಸಂಗ್ರಹಿಸಿ, ಪ್ಯಾಕ್ ಮಾಡಿ ಮಾರಾಟ ಮಾಡುತ್ತಿದ್ದಳು. ಆಕೆಯ ಮನೆಯ ಮೇಲೆ ದಾಳಿ ನಡೆಸಿದಾಗ, 79 ಬಾಟಲಿಗಳ ದ್ರವ ಕೆಟಮೈನ್ ಮತ್ತು ಸುಮಾರು 2,000 ಮೆಥ್ ಮಾತ್ರೆಗಳು ಪತ್ತೆಯಾಗಿದೆ.
ಜಸ್ವೀನ್‌ ಸಂಘಾ ಕಳೆದ ವರ್ಷ ಅಕ್ಟೋಬರ್ ನಲ್ಲಿ ಎರಡು ವಿಭಿನ್ನ ಸಂದರ್ಭಗಳಲ್ಲಿ ಕೆಟಮೈನ್ ನ 50 ಬಾಟಲುಗಳನ್ನು ಪೆರ್ರಿಯ ಸಹಾಯಕನಿಗೆ ನೀಡಿದ್ದಾಳೆ ಎನ್ನಲಾಗಿದೆ.
ಅಕ್ಟೋಬರ್ 13 ರಂದು ನಟ ಪೆರ್ರಿ ಅವರಿಗೆ ಸಂಘಾ ಮೊದಲು ಕೆಟಮೈನ್ ಮಾದರಿಯನ್ನು ಗಾಜಿನ ಬಾಟಲಿಯಲ್ಲಿ ಒದಗಿಸಿದ್ದಳು. ಮರುದಿನ ನಟ ಅವಳಿಂದ 25 ಬಾಟಲಿಗಳನ್ನು ಖರೀದಿಸಿದ್ದು, ಒಂದು ವಾರದ ನಂತರ ಮತ್ತೆ 25 ಬಾಟಲಿಗಳನ್ನು ಖರೀದಿಸಿದ್ದಾರೆ.
ನಟ ಪೆರ್ರಿಯ ದೊಡ್ಡ ಆರ್ಡರ್‌ ಗಾಗಿ ಜಸ್ವೀನ್‌ ಸಂಘಾ ಅವರ ಸಹಾಯಕರಿಗೆ “ಕೆಟಮೈನ್ ಲಾಲಿಪಾಪ್‌ಗಳನ್ನು” ನೀಡಿದ್ದರು. ನಟ ಪೆರ್ರಿ ಅವರು ಮೂರು ದಿನಗಳವರೆಗೆ ದಿನಕ್ಕೆ ಆರು ಡೋಸ್ ಗಳನ್ನು ತೆಗೆದುಕೊಂಡಿದ್ದರು. ಈ ಓವರ್‌ ಡೋಸ್ ಕಾರಣದಿಂದ ಅವರು ದೇಹವು ತನ್ನ ಒಳಾಂಗಣ ಪೂಲ್‌ ನಲ್ಲಿ ತೇಲುತ್ತಿರುವ ಸ್ಥಿತಿಯಲ್ಲಿ ಪತ್ತೆಯಾಗಿದ್ದರು.
ನಟ ಮ್ಯಾಥ್ಯೂ ಪೆರ್ರಿಯ ಮರಣದ ನಂತರ ಅವರ ನಡುವಿನ ಮೆಸೇಜ್‌ ಗಳನ್ನು ಅಳಿಸಲು ಸಂಘಾ ಸಹಾಯಕನಿಗೆ ಸೂಚಿಸಿದ್ದಳು. ಅದರಲ್ಲಿ ಅವಳು ಆನ್‌ಲೈನ್ ಪಾವತಿಗಳನ್ನು ಕೇಳುತ್ತಿರುವ ಸಂದೇಶಗಳಿತ್ತು.
