ಫ್ರೆಂಚ್ ಓಪನ್‌: ಮತ್ತೆ ನಡಾಲ್ ಕಿಂಗ್‌

ಪ್ಯಾರಿಸ್‌: ‘ಕ್ಲೇ ಕೋರ್ಟ್‌ ಕಿಂಗ್‌’ ಖ್ಯಾತಿಯ ರಫೆಲ್ ನಡಾಲ್ 12ನೇ ಸಲ ಫ್ರೆಂಚ್ ಓಪನ್‌ ಪ್ರಶಸ್ತಿಯನ್ನೆತ್ತಿ ಮೆರೆದಿದ್ದಾರೆ. ರವಿವಾರದ ಫೈನಲ್‌ನಲ್ಲಿ ಅವರು ಆಸ್ಟ್ರಿಯಾದ ಡೊಮಿನಿಕ್‌ ಥೀಮ್‌ ವಿರುದ್ಧ 4 ಸೆಟ್‌ಗಳ ಹೋರಾಟ ನಡೆಸಿ 6-3, 5-7, 6-1, 6-1 ಅಂತರದಿಂದ ಜಯ ಸಾಧಿಸಿದರು.

ಇದು ಕಳೆದ ವರ್ಷದ ಫೈನಲ್ ಪಂದ್ಯದ ಪುನರಾವರ್ತನೆಯಾಗಿತ್ತು. ಸತತ 3 ವರ್ಷಗಳಿಂದ ನಡಾಲ್ ಅವರೇ ಫ್ರೆಂಚ್ ಓಪನ್‌ ಪ್ರಶಸ್ತಿ ಎತ್ತುತ್ತ ಬಂದಿದ್ದಾರೆ.

ಪ್ಯಾರಿಸ್‌ನಲ್ಲಿ ಅವರು ಪ್ರಶಸ್ತಿಯ ಹ್ಯಾಟ್ರಿಕ್‌ ಸಾಧಿಸುತ್ತಿರುವುದು ಇದು 3ನೇ ಸಲ. 2005ರಿಂದ 2008ರ ತನಕ ಸತತ 4 ಸಲ, 2010ರಿಂದ 2014ರ ತನಕ ಸತತ 5 ಸಲ ನಡಾಲ್ ಚಾಂಪಿಯನ್‌ ಆಗಿ ಹೊರಹೊಮ್ಮಿದ್ದರು.