French Open ಬ್ಯಾಡ್ಮಿಂಟನ್‌: ಕೆ. ಶ್ರೀಕಾಂತ್‌ ಜಯ

ಪ್ಯಾರಿಸ್‌: ಫ್ರೆಂಚ್‌ ಓಪನ್‌ ಬ್ಯಾಡ್ಮಿಂಟನ್‌ ಪಂದ್ಯಾವಳಿಯಲ್ಲಿ ಕೆ. ಶ್ರೀಕಾಂತ್‌ ಚೈನೀಸ್‌ ತೈಪೆಯ ಪ್ರಬಲ ಎದುರಾಳಿ ಚೌ ಟೀನ್‌ ಚೆನ್‌ ಅವರನ್ನು ಮಣಿಸಿ ದ್ವಿತೀಯ ಸುತ್ತು ತಲುಪಿದ್ದಾರೆ. ಗೆಲುವಿನ ಅಂತರ 21-15, 20-22, 21-8. ಇದು ಚೆನ್‌ ವಿರುದ್ಧ ಆಡಿದ 7 ಪಂದ್ಯಗಳಲ್ಲಿ ಶ್ರೀಕಾಂತ್‌ ಸಾಧಿಸಿದ 3ನೇ ಜಯ. ಇವರ ಮುಂದಿನ ಎದುರಾಳಿ ಚೀನದ ಲು ಗುವಾಂಗ್‌ ಝು. ಇವರು ಭಾರತದ ಮತ್ತೋರ್ವ ಆಟಗಾರ ಎಚ್‌.ಎಸ್‌. ಪ್ರಣಯ್‌ ವಿರುದ್ಧ 21-17, 21-17 ಅಂತರದ ಜಯ ಸಾಧಿಸಿದರು. ಮೊದಲ ದಿನದ ಆಟದಲ್ಲಿ ಲಕ್ಷ್ಯ ಸೇನ್‌ ಜಯ ಗಳಿಸಿದ್ದರು.