French Open:‌ ಇಂದಿನಿಂದ ಫ್ರೆಂಚ್‌ ಓಪನ್‌; ಕಣದಲ್ಲಿ ಸುಮಿತ್‌ ನಾಗಲ್‌

ಪ್ಯಾರಿಸ್‌: ಭಾನುವಾರದಿಂದ ಪ್ರತಿಷ್ಠಿತ ಫ್ರೆಂಚ್‌ ಓಪನ್‌ ಟೆನಿಸ್‌ ಟೂರ್ನಿ ಆರಂಭವಾಗಲಿದೆ. ಭಾರತೀಯರಲ್ಲಿ ಅಗ್ರ ಶ್ರೇಯಾಂಕಿತ ಸುಮಿತ್‌ ನಾಗಲ್‌ ಕಣದಲ್ಲಿದ್ದು, ಅವರು ಮೇ 27ರಂದು ಮೊದಲ ಸುತ್ತಿನಲ್ಲಿ ವಿಶ್ವ ನಂ.18ನೇ ಆಟಗಾರ, ರಷ್ಯಾದ ಕರೆನ್‌ ಕಶನೋವ್‌ ಅವರನ್ನು ಎದುರಿಸಲಿದ್ದಾರೆ.

ವಿಶ್ವ ರ್‍ಯಾಂಕಿಂಗ್‌ನಲ್ಲಿ 94ನೇ ಸ್ಥಾನದಲ್ಲಿರುವ ಸುಮಿತ್‌ ನಾಗಲ್‌ಗೆ ಗ್ರ್ಯಾನ್‌ ಸ್ಲ್ಯಾಮ್‌ ಕೂಟಕ್ಕೆ ನೇರ ಪ್ರವೇಶ ಸಿಕ್ಕಿದೆ. ಪ್ರವಾಸ ಪಂದ್ಯಾವಳಿಗಳಲ್ಲಿ ಅವರು ಸ್ಥಿರ ಪ್ರದರ್ಶನ ನೀಡುತ್ತಿರುವುದು ಇದಕ್ಕೆ ಕಾರಣ. ಈ ಮೂಲಕ ನಾಗಲ್‌, 2019ರಲ್ಲಿ ಪ್ರಜ್ಞೇಸ್ ಗುಣೇಶ್ವರನ್‌ ಬಳಿಕ ರೋಲ್ಯಾಂಡ್‌ ಗ್ಯಾರೋಸ್‌ (ಫ್ರೆಂಚ್‌ ಓಪನ್‌)ನಲ್ಲಿ ಸ್ಪರ್ಧಿಸುತ್ತಿರುವ ಮೊದಲ ಭಾರತೀಯನೆನಿಸಿದ್ದಾರೆ.