ಉಚಿತ ಚಹಾ ನೀಡಿದ ಅಭಿಮಾನಿ

ಗಂಗಾವತಿ: ಚಾಯ್‌ ವಾಲಾ ಪ್ರಧಾನಮಂತ್ರಿ ಎಂದು ಖ್ಯಾತರಾಗಿ ಮೋದಿ ಅವರು ಮತ್ತೂಮ್ಮೆ ದೇಶದ ಪ್ರಧಾನಮಂತ್ರಿಯಾಗಿ ಅಧಿಕಾರ ಸ್ವೀಕರಿಸಿದ ಹಿನ್ನೆಲೆಯಲ್ಲಿ ಚಹಾ ವ್ಯಾಪಾರಿ ಗುರುವಾರ ಸಂಜೆ 4 ಗಂಟೆಯಿಂದ 9 ಗಂಟೆವರೆಗೆ ಜನರಿಗೆ ಉಚಿತ ಚಹಾ ನೀಡುವ ಮೂಲಕ ಅಭಿಮಾನ ಮೆರೆದಿದ್ದಾರೆ.

ನರೇಂದ್ರ ಮೋದಿಯವರ ಅಭಿಮಾನಿಯಾಗಿರುವ ನಗರದ ಕಲ್ಮಠ ಹತ್ತಿರ ಚಹಾ ವ್ಯಾಪಾರ ಮಾಡುವ ಬಸವರಾಜ, ಮೋದಿ ಅವರು ಪ್ರಧಾನಿಯಾಗಿ ಅಧಿಕಾರ ಸ್ವೀಕಾರ ಮಾಡಿದ್ದರಿಂದ ಗುರುವಾರ ಜನರಿಗೆ ಉಚಿತ ಚಹಾ ವಿತರಿಸಿದರು. ನಗರದಲ್ಲಿ ನಮ್ಮ ಬಸವ ಚಹಾ ಅಂಗಡಿ ಪ್ರಸಿದ್ಧಿಯಾಗಿದ್ದು, ನಗರ ಹಾಗೂ ಗ್ರಾಮೀಣ ಭಾಗದಿಂದ ಜನರು ಚಹಾ ಸೇವಿಸಲು ಇಲ್ಲಿಗೆ ಆಗಮಿಸುತ್ತಿದ್ದಾರೆ.