ಗುಜರಾತ್‌ನ ನೇತ್ರಂಗ್‌ ಪಟ್ಟಣದಲ್ಲಿ”ನೀರಜ್‌’ಹೆಸರುಳ್ಳವರಿಗೆ ಉಚಿತ ಪೆಟ್ರೋಲ್‌!

ನವದೆಹಲಿ: ಇತ್ತೀಚೆಗಷ್ಟೇ ಮುಕ್ತಾಯವಾದ ಟೋಕಿಯೋ ಒಲಿಂಪಿಕ್ಸ್‌ನ ಜ್ಯಾವೆಲಿನ್‌ ತ್ರೋ ವಿಭಾಗದಲ್ಲಿ ಭಾರತಕ್ಕೆ ಚಿನ್ನ ತಂದ, ನೀರಜ್‌ ಚೋಪ್ರಾ ಅವರ ಸಾಧನೆಯನ್ನು ಗುಜರಾತ್‌ನ ನೇತ್ರಂಗ್‌ ಪಟ್ಟಣದಲ್ಲಿರುವ ಪೆಟ್ರೋಲ್‌ ಬಂಕ್‌ ಮಾಲೀಕರೊಬ್ಬರು ವಿಶೇಷವಾಗಿ ಸಂಭ್ರಮಿಸಿದ್ದಾರೆ.

ಆ ಪಟ್ಟಣದಲ್ಲಿ ನೀರಜ್‌ ಎಂಬ ಹೆಸರಿನ ಎಲ್ಲರಿಗೂ ತಮ್ಮ ಬಂಕ್‌ನಿಂದ 501 ರೂ. ಮೌಲ್ಯದ ಪೆಟ್ರೋಲನ್ನು ಉಚಿತವಾಗಿ ನೀಡಿದ್ದಾರೆ!

ಆ. 9-10ರಂದು ಈ ಆಫ‌ರ್‌ ನೀಡಲಾಗಿದ್ದು, ನೀರಜ್‌ ಹೆಸರು ಹೊಂದಿರುವ ನೇತ್ರಂಗ್‌ನ ನಿವಾಸಿಗಳು, ಸೂಕ್ತ ಗುರುತಿನ ದಾಖಲೆ ತೋರಿಸಿ ಪೆಟ್ರೋಲ್‌ ಹಾಕಿಸಿಕೊಳ್ಳುವಂತೆ ಸೂಚಿಸಲಾಗಿದ್ದು, ಈ ಆಫ‌ರ್‌ ಸೋಮವಾರ ಸಂಜೆ ಮುಕ್ತಾಯವಾಗಿದೆ.

ಇದನ್ನೂ ಓದಿ :ಆದಿವಾಸಿಗಳಿಗೆ ಅರಣ್ಯ ಹಕ್ಕು ಖಾಯ್ದೆಯಡಿ ಜಮೀನು ಹಸ್ತಾಂತರ ಪ್ರಕ್ರಿಯೆ ಆರಂಭ :ಸಾವಂತ್