ಎಲ್ಲ ಯೋಧರಿಗೂ ಇನ್ನು ಉಚಿತ ಆಹಾರ

ನವದೆಹಲಿ: ಎಲ್ಲ ಸೈನಿಕರಿಗೂ ಉಚಿತ ಆಹಾರ ಒದಗಿಸುವ ನಿರ್ಧಾರವನ್ನು ಕೇಂದ್ರ ಸರ್ಕಾರ ಮಾಡಿದೆ. ಈ ಹಿಂದೆ ಶಾಂತ ಪ್ರದೇಶದಲ್ಲಿ ನಿಯೋಜನೆ ಗೊಂಡ ಸೇನಾ ಸಿಬ್ಬಂದಿಗೆ ಉಚಿತ ಆಹಾರ ನೀಡು ವುದರ ಬದಲಿಗೆ ದಿನಕ್ಕೆ 117 ರೂ. ಭತ್ಯೆ ನೀಡಲಾಗು ತ್ತಿತ್ತು. ಏಳನೇ ವೇತನ ಆಯೋಗದ ವರದಿ ಜಾರಿ ವೇಳೆ ಮಾಡಿದ ಈ ಬದಲಾವಣೆಗೆ ಸೇನಾ ವಲಯ ದಿಂದ ತೀವ್ರ ಆಕ್ಷೇಪ ವ್ಯಕ್ತವಾಗಿತ್ತು. 2017ರಲ್ಲಿ ಕೇಂದ್ರ ಸರ್ಕಾರ ಈ ಬದಲಾವಣೆ ತಂದಿತ್ತು. ಆದರೆ ಈಗ, ರಕ್ಷಣಾ ಸಚಿವಾಲಯದ ಪ್ರಕಟಣೆ ಮೂಲಕ ಹಳೆಯ ವ್ಯವಸ್ಥೆಯನ್ನು ಮರು ಜಾರಿಗೊಳಿಸಲಾಗಿದೆ. ಗಡಿ ಪ್ರದೇಶ ಹಾಗೂ ಇತರೆಡೆ ನಿಯೋಜಿಸಿರುವ ಯೋಧರಿಗೆ ಕ್ಯಾಲರಿ ಆಧಾರದಲ್ಲಿ ಆಹಾರ ನೀಡಲಾಗುತ್ತದೆ. ಇದನ್ನೇ ಹೊಸ ನಿಯಮದಲ್ಲೂ ಮುಂದುವರಿಸಲಾಗುತ್ತದೆ ಎಂದು ಹೇಳಲಾಗಿದೆ.