ಮಂಗಳೂರು: ಹಣ ಮರುಪಾವತಿಸದೆ ವಂಚನೆ; ಸೊಸೈಟಿ ವಿರುದ್ಧ ಪ್ರಕರಣ

ಮಂಗಳೂರು: ಹೂಡಿಕೆ ಮಾಡಿದ ಹಣ ಮರುಪಾವತಿ ಮಾಡದೆ ವಂಚಿಸಿರುವ ಬಗ್ಗೆ ಪಂಚವಟಿ ಮಲ್ಟಿಸ್ಟೇಟ್‌ ಕೋ-ಆಪರೇಟಿವ್‌ ಲಿಮಿಟೆಡ್‌ ಸೊಸೈಟಿಯ ಚೇರ್‌ವೆುನ್‌, 7 ಮಂದಿ ನಿರ್ದೇಶಕರು ಮತ್ತು ಮಲ್ಲಿಕಟ್ಟೆ ಶಾಖೆಯ ಮ್ಯಾನೇಜರ್‌ ವಿರುದ್ಧ ಪ್ರಕರಣ ದಾಖಲಾಗಿದೆ.

ಸೊಸೈಟಿಯಲ್ಲಿ ಉಳಿತಾಯ ಖಾತೆ, ಠೇವಣಿ ಖಾತೆ, ಆರ್‌.ಡಿ ಖಾತೆ, ಪಿಗ್ಮಿà ಹಾಗೂ ಶೇರು ಬಂಡವಾಳದಲ್ಲಿ ಹಣ ಹೂಡಿಕೆ ಮಾಡಿಸಲಾಗಿತ್ತು. ಹೂಡಿಕೆ ಮಾಡಿದ ಹಣಕ್ಕೆ ಹೆಚ್ಚು ಲಾಭಾಂಶ ಹಾಗೂ ಕಮಿಷನ್‌ ನೀಡುವ ಭರವಸೆ ಕೊಡಲಾಗಿತ್ತು. ಅಲ್ಲದೆ 5  ವರ್ಷ 9 ತಿಂಗಳಲ್ಲಿ ದ್ವಿಗುಣಗೊಳ್ಳುತ್ತದೆ ಎಂದು ಆಶ್ವಾಸನೆ ನೀಡಲಾಗಿತ್ತು. ಆದರೆ ಹೂಡಿಕೆ ಮಾಡಿದ ಹಣದ ಬಾಂಡ್‌ನ‌ ಮೆಚ್ಯೂರಿಟಿ ದಿನಾಂಕ ಮುಗಿದರೂ ಹಣ ಮರುಪಾವತಿಸದೆ ನಂಬಿಕೆ ದ್ರೋಹ ಹಾಗೂ ವಂಚನೆ ಮಾಡಲಾಗಿದೆ ಎಂಬುದಾಗಿ ಮಂಗಳೂರು ಪೂರ್ವ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.