Fraud: ತರಕಾರಿ ವ್ಯಾಪಾರಿಯಿಂದ 21 ಕೋಟಿ ರೂ. ವಂಚನೆ!

ಡೆಹ್ರಾಡೂನ್‌: ದೇಶದ ವಿವಿಧ ರಾಜ್ಯಗಳ ಜನರಿಗೆ ವರ್ಕ್‌ ಫ್ರಂ ಹೋಂ ಕೆಲಸ ಕೊಡಿಸುತ್ತೇನೆಂದು ಹೇಳಿ 6 ತಿಂಗಳಲ್ಲಿ 21 ಕೋಟಿ ರೂ. ವಂಚಿಸಿರುವ ತರಕಾರಿ ವ್ಯಾಪಾರಿಯೊಬ್ಬನನ್ನು ಉತ್ತರಾಖಂಡ ಪೊಲೀಸರು ಬಂಧಿಸಿದ್ದಾರೆ. ಆರೋಪಿ ರಿಷಭ್‌ ಶರ್ಮಾ ಕೆಲ ವರ್ಷಗಳ ಹಿಂದೆ ಫ‌ರಿದಾಬಾದ್‌ನಲ್ಲಿ ತರಕಾರಿ ವ್ಯಾಪಾರಿಯಾಗಿದ್ದ.

ಕೊರೊನಾ ಸಂದರ್ಭದಲ್ಲಿ ನಷ್ಟ ಎದುರಾದ ಹಿನ್ನೆಲೆಯಲ್ಲಿ ವಿವಿಧ ವರ್ಕ್‌ ಫ್ರಂ ಹೋಂ ಕೆಲಸಗಳನ್ನು ಮಾಡಿ ಜೀವನ ನಿರ್ವಹಿಸಿದ್ದ. ನಂತರ ಈತನ ಹಳೆಯ ಮಿತ್ರನೊಬ್ಬನ ಜತೆ ಸೇರಿ ಆನ್‌ಲೈನ್‌ ಮೂಲಕ ಜನರನ್ನು ವಂಚಿಸಲು ಪ್ಲ್ರಾನ್‌ ಮಾಡಿದ್ದಾರೆ. ನಂತರ 3 ಪ್ರಕರಣಗಳಲ್ಲಿ ನೇರ ಭಾಗಿಯಾಗಿರುವುದೂ ಸೇರಿ ಒಟ್ಟು 855 ವಂಚನೆ ಪ್ರಕರಣಗಳಲ್ಲಿ ಶಾಮೀಲಾಗಿದ್ದಾನೆ. ಈ ಮೂಲಕ 6 ತಿಂಗಳಲ್ಲಿ 21 ಕೋಟಿ ರೂ. ಗಳಿಸಿದ್ದಾನೆಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.