Mars; ಮಂಗಳ ಗ್ರಹದಲ್ಲಿ 4 ಮಂದಿ ವಾಸ: ಆದ್ರೆ ಇದು ನಿಜವಲ್ಲ!

ವಾಷಿಂಗ್ಟನ್‌: ನಾಲ್ವರು ಸ್ವಯಂ ಸೇವಕರು 45 ದಿನಗಳ ಮಂಗಳನ ಅಂಗಳಕ್ಕೆ  ಮೇ 10ರಂದು ಹೋಗಲಿದ್ದಾರೆ! ಇದನ್ನು ಕೇಳಿ ಆಶ್ಚರ್ಯವಾಗಬಹುದು. ಆದರೆ, ಈ ನಾಲ್ವರು ನಿಜವಾಗಿಯೂ ಮಂಗಳ ಗ್ರಹಕ್ಕೆ ಹೋಗುತ್ತಿಲ್ಲ. ಇದೊಂದು ಸಿಮ್ಯುಲೇಟೆಡ್‌ ಮಿಷನ್‌ (ಕೃತಕ ಯೋಜನೆ) ಆಗಿದೆ.

ಅಮೆರಿಕದ ಹೂಸ್ಟನ್‌ ನಾಸಾದ ಜಾನ್ಸನ್‌ ಸ್ಪೇಸ್‌ ಸೆಂಟರ್‌ನಲ್ಲಿರುವ ಮಂಗಳನ ಕೃತಕ ಆವಾಸಸ್ಥಾನಕ್ಕೆ ಅವರು ತೆರಳಲಿದ್ದಾರೆ. ಹ್ಯುಮನ್‌ ಎಕ್ಸ್‌ಪ್ಲೋರೇಷನ್‌ ರಿಸರ್ಚ್‌ ಅನಲಾಗ್‌(ಹೇರಾ)ನ ಭಾಗವಾಗಿ ಈ ನಾಲ್ವರು ಸಿಮ್ಯುಲೇಟೆಡ್‌ ಮಿಷನ್‌ನಲ್ಲಿ ಪಾಲ್ಗೊಳ್ಳುತ್ತಿದ್ದಾರೆ.

ಈ 45 ದಿನಗಳ ಕಾಲ ಅವರು, ನಿಜವಾಗಿಯೂ ಮಂಗಳನ ಅಂಗಳದಲ್ಲಿ ಎದುರಾಗುವ ಎಲ್ಲ ಸಮಸ್ಯೆಗಳನ್ನು ಅನುಭವಿಸಲಿದ್ದಾರೆ. ಅಲ್ಲದೇ ವೈಜ್ಞಾನಿಕ ಸಂಶೋಧನೆಯನ್ನೂ ಕೈಗೊಳ್ಳಲಿದ್ದಾರೆ. 45 ದಿನಗಳ ಬಳಿಕ ಅವರು ಮಂಗಳನ ಕೃತಕ ಆವಾಸಸ್ಥಾನದಿಂದ ಹೊರ ಬರಲಿದ್ದಾರೆ.