ಕುರಿ ಸಾಕಾಣಿಕೆಯತ್ತ ಮಾಜಿ ಸ್ಪೀಕರ್‌ ಚಿತ್ತ

ಮಳವಳ್ಳಿ: ಮಾಜಿ ವಿಧಾನಸಭಾಧ್ಯಕ್ಷ ಕೆ.ರಮೇಶ್‌ಕುಮಾರ್‌ ಇದೀಗ ಕುರಿ ಸಾಕಾಣಿಕೆಗೆ ಒಲವು ತೋರಿದ್ದಾರೆ. ಮಂಡ್ಯ ಜಿಲ್ಲೆ ಮಳವಳ್ಳಿ ತಾಲೂಕಿನ ಕಿರುಗಾವಲು ಸಂತೆಗೆ ಭಾನುವಾರ ಬೆಳಗ್ಗೆ ಬಂದ ರಮೇಶ್‌ ಕುಮಾರ್‌, ರೈತರೊಂದಿಗೆ ಸಂತೆ ಸುತ್ತಿ, ವಿವಿಧ ತಳಿಯ ಕುರಿಗಳ ಬಗ್ಗೆ ಮಾಹಿತಿ ಪಡೆದರು.

ಕೊನೆಗೆ ರೈತ, ಸ್ವಾಮಿ ಎಂಬುವರ ಬಳಿ 25 ಸಾವಿರ ರೂ.ಮೌಲ್ಯದ ಕುರಿ ಖರೀದಿಸಿ, ಮನೆಗೆ ತೆಗೆದುಕೊಂಡು ಹೋದರು. ಮಾರುಕಟ್ಟೆಯಲ್ಲಿ ಬಂಡೂರು ತಳಿಯ ಕುರಿಗೆ ಹೆಚ್ಚಿನ ಬೇಡಿಕೆ ಇರುವುದರಿಂದ ಅವರು, ಈ ತಳಿಯ ಕುರಿ ಖರೀದಿಗೆ ಮುಂದಾಗಿದ್ದಾರೆಂದು ರೈತರೊಬ್ಬರು ತಿಳಿಸಿದರು.