Yamuna ನದಿಯಲ್ಲಿ ಡಾ| ಮನಮೋಹನ್‌ ಸಿಂಗ್‌ ಚಿತಾಭಸ್ಮ ವಿಸರ್ಜನೆ

ಹೊಸದಿಲ್ಲಿ: ಮಾಜಿ ಪ್ರಧಾನಿ ಮನಮೋಹನ ಸಿಂಗ್‌ ಅವರ ಚಿತಾಭಸ್ಮವನ್ನು ರವಿವಾರ ಯಮುನಾ ನದಿಯಲ್ಲಿ ವಿಸರ್ಜಿಸಲಾಗಿದೆ.

ದಿಲ್ಲಿಯ ಮಜ್ನು ಕೀ ತೀಲಾ ಗುರುದ್ವಾರದ ಬಳಿ ಸಿಂಗ್‌ ಕುಟುಂಬದವರು ಸಿಕ್ಖ್ ಸಂಪ್ರದಾಯದಂತೆ ಧಾರ್ಮಿಕ ವಿಧಿ ನೆರವೇರಿಸಿ, ಬಳಿಕ ಅಸ್ಥಿ ವಿಸರ್ಜನೆ ಮಾಡಿದ್ದಾರೆ.

ಅಂತ್ಯಕ್ರಿಯೆಯ ಬಳಿಕ ನಿಗಮ್‌ಬೋಧ್‌ನಿಂದ ರವಿವಾರ ಬೆಳಗ್ಗೆ ಅಸ್ಥಿಯನ್ನು ಸಂಗ್ರಹಿಸಿದ ಕುಟುಂಬಸ್ಥರು ಅದನ್ನು ಗುರುದ್ವಾರದ ಬಳಿಯ ಯಮುನಾ ತೀರವಾದ “ಅಷ್ಟ ಘಾಟ್‌’ನಲ್ಲಿ ವಿಸ ರ್ಜಿಸಿದರು.