ಎನ್‌ಆರ್‌ಐಗಳ ವಿರುದ್ಧ ಹಗರಣದ ಆರೋಪ

ವಾಷಿಂಗ್ಟನ್‌: 7,100 ಕೋಟಿ ರೂ.ಗಳ ಹಗರಣ ಪ್ರಕರಣವೊಂದಕ್ಕೆ ಸಂಬಂಧಿಸಿದಂತೆ, ಶಿಕಾಗೊ ಮೂಲದ ‘ಔಟ್‌ಕಮ್‌ ಹೆಲ್ತ್‌’ ಎಂಬ ಸಂಸ್ಥೆಯ ಮಾಜಿ ಸಂಸ್ಥಾಪಕರಾದ ಹಾಗೂ ಭಾರತ ಮೂಲದ ರಿಷಿ ಶಾ (33), ಶ್ರದ್ಧಾ ಅಗರ್ವಾಲ್‌ (34) ಹಾಗೂ ಅದೇ ಕಂಪೆನಿಯ ಮಾಜಿ ಅಧಿಕಾರಿಯಾದ ಆಶಿಕ್‌ ದೇಸಾಯ್‌ (26) ಎಂಬುವರ ವಿರುದ್ಧ ಪ್ರಕರಣ ದಾಖಲಿಸಲಾಗಿದೆ.

ಈ ಮೂವರು, ಔಟ್‌ಕಮ್‌ ಹೆಲ್ತ್‌ ಕಂಪೆನಿಯ ಆರ್ಥಿಕ ವ್ಯವಹಾರಗಳು ಅತ್ಯುತ್ತಮವಾಗಿದೆ ಎಂಬಂತೆ ಬಿಂಬಿಸುವ ಮೂಲಕ, ಹಲವಾರು ಹೂಡಿಕೆದಾರರಿಂದ ಅಪಾರ ಹಣ ಸಂಗ್ರಹಿಸಿದ್ದಾರೆ ಎಂದು ಆರೋಪಿಸಲಾಗಿದೆ.