ಈಜಿಪ್ಟ್ ಮಾಜಿ ಅಧ್ಯಕ್ಷ ಹೋಸ್ನಿ ಮುಬಾರಕ್‌ ನಿಧನ

ಕೈರೋ: ಮೂವತ್ತು ವರ್ಷಗಳ ಕಾಲ ಈಜಿಪ್ಟ್ ನ ಅಧ್ಯಕ್ಷ ರಾಗಿದ್ದ ಹೋಸ್ನಿ ಮುಬಾರಕ್‌ (91) ಮಂಗಳವಾರ ನಿಧನ ಹೊಂದಿದ್ದಾರೆ. 1981ರಿಂದ 2011ರವರೆಗೆ ಅವರು ಅಲ್ಲಿನ ಅಧ್ಯಕ್ಷ ರಾಗಿ ಸೇವೆ ಸಲ್ಲಿಸಿದ್ದರು.

ಅವರ ಆಳ್ವಿಕೆಯ ವೇಳೆ, ಭ್ರಷ್ಟಾಚಾರ, ನಿರುದ್ಯೋಗ, ಪೊಲೀಸರ ದಬ್ಟಾಳಿಕೆ ತಾರಕಕ್ಕೇರಿದ ಆರೋಪದ ಮೇರೆಗೆ 2011ರಲ್ಲಿ ಈಜಿಪ್ಟ್ ನಲ್ಲಿ ಮುಬಾರಕ್‌ ವಿರುದ್ಧ ದೊಡ್ಡ ಜನಾಂದೋಲನ ನಡೆಯಿತು. ಪೊಲೀಸ್‌, ಸೇನೆಯ ಬಲಪ್ರಯೋಗಕ್ಕೂ ಆಂದೋಲನ ಬಗ್ಗದ ಕಾರಣ, 2011ರ ಫೆ. 11ರಂದು ಅವರು ತಮ್ಮ ಅಧ್ಯಕ್ಷ ಪದವಿಗೆ ರಾಜೀನಾಮೆ ಸಲ್ಲಿಸಿದ್ದರು.