ಕೈಗಾರಿಕಾ ಪ್ರಗತಿ ಗರಿಷ್ಠಕ್ಕೆ

ಹೊಸದಿಲ್ಲಿ: ಭಾರತದ ಔದ್ಯಮಿಕ ಪ್ರಗತಿಯು ಶೇ. 3.4ಕ್ಕೆ ಏರಿಕೆಯಾಗಿದ್ದು, ಇದು ಕಳೆದ ಆರು ತಿಂಗಳಲ್ಲೇ ಗರಿಷ್ಠ ಪ್ರಮಾಣದ್ದಾಗಿದೆ. 2018 ಏಪ್ರಿಲ್‌ನಲ್ಲಿ ಇದು ಶೇ. 4.5 ಆಗಿತ್ತು. ಕಳೆದ ವರ್ಷ ಗಣಿ ಕ್ಷೇತ್ರದಲ್ಲಿ ಶೇ. 3.8ರಷ್ಟು ಪ್ರಗತಿಯಾಗಿತ್ತು. ಆದರೆ ಈ ಬಾರಿ ಇದು ಶೇ. 5.1ಕ್ಕೆ ಏರಿಕೆಯಾಗಿದೆ. ಇದೇ ರೀತಿ, ಇಂಧನ ಕ್ಷೇತ್ರದಲ್ಲಿನ ಪ್ರಗತಿಯೂ ಶೇ. 6 ಆಗಿದ್ದು, ಕಳೆದ ವರ್ಷದ ಏಪ್ರಿಲ್‌ನಲ್ಲಿ ಇದು ಶೇ. 2.1 ಆಗಿತ್ತು. ಆದರೆ ಉತ್ಪಾದನೆ ಕ್ಷೇತ್ರದಲ್ಲಿ ಇಳಿಕೆಯಾಗಿದ್ದು, ಕಳೆದ ಎಪ್ರಿಲ್‌ನಲ್ಲಿ ಶೇ. 4.9 ಇತ್ತು. ಆದರೆ ಈಗ ಇದು ಶೇ. 2.8ಕ್ಕೆ ಕುಸಿದಿದೆ.