ಶ್ರೀ ಮಲ್ಲಿಕಾರ್ಜುನ ದೇವಸ್ಥಾನದ ಪಾದುಕಾನ್ಯಾಸ

ಕಾಸರಗೋಡು: ಇತಿಹಾಸ ಪ್ರಸಿದ್ಧ ವಾಗಿರುವ ನಗರದ ಶ್ರೀ ಮಲ್ಲಿಕಾರ್ಜುನ ದೇವಸ್ಥಾನದ ಜೀರ್ಣೋದ್ಧಾರದ ಅಂಗವಾಗಿ ನೂತನವಾಗಿ ನಿರ್ಮಿಸಲಿರುವ ದೇವಾಲಯದ ಪಾದುಕಾನ್ಯಾಸ ಜು.12 ರಂದು ಬೆಳಗ್ಗೆ ನಡೆಯಿತು.

ನೂತನವಾಗಿ ನಿರ್ಮಾಣವಾಗಲಿರುವ ಶ್ರೀ ಮಲ್ಲಿಕಾರ್ಜುನ ದೇವಸ್ಥಾನದ ಗರ್ಭಗುಡಿಗೆ ಕ್ಷೇತ್ರದ ತಂತ್ರಿವರ್ಯರಾದ ಉಚ್ಚಿಲ ಶ್ರೀ ಪದ್ಮನಾಭ ತಂತ್ರಿ ಅವರ ಮಾರ್ಗದರ್ಶನದೊಂದಿಗೆ ಹಾಗೂ ಕ್ಷೇತ್ರ ಶಿಲ್ಪಿ ರಮೇಶ ಕಾರಂತ ಬೆದ್ರಡ್ಕ ಅವರ ಉಪಸ್ಥಿತಿಯಲ್ಲಿ ದೇವಸ್ಥಾನದ ಪ್ರಧಾನ ಅರ್ಚಕರಾದ ರಾಧಾಕೃಷ್ಣ ಅಡಿಗ ಅವರು ಬುಧವಾರ ಬೆಳಗ್ಗೆ 10-44 ರಿಂದ 11-39ರ ವರೆಗಿನ ಕನ್ಯಾ ಲಗ್ನ  ಶುಭ ಮುಹೂರ್ತದಲ್ಲಿ ಪಾದುಕಾನ್ಯಾಸ ನೆರವೇರಿಸಿದರು.