ವಿಶ್ವಕಪ್‌ ಫ‌ುಟ್‌ಬಾಲ್‌: ಭಾರತದ ವೀಕ್ಷಕರ ಸಂಖ್ಯೆ 19.41 ಕೋಟಿ

ಹೊಸದಿಲ್ಲಿ: ಭಾರತದಲ್ಲಿ ಫ‌ುಟ್‌ಬಾಲ್‌ ವೀಕ್ಷಕರ ಪ್ರಮಾಣ ವರ್ಷದಿಂದ ವರ್ಷಕ್ಕೆ ಏರುತ್ತಿದೆ. ಅದರಲ್ಲೂ ಈ ಬಾರಿ ಫಿಫಾ ವಿಶ್ವಕಪ್‌ ಇದ್ದ ಕಾರಣ ವೀಕ್ಷಕರ ಸಂಖ್ಯೆ ಶೇ. 3.48ಕ್ಕೆ ಏರಿದೆ. ಇದು ಹಿಂದಿನ ವರ್ಷಕ್ಕಿಂತ ಜಾಸ್ತಿ ಎಂದು ಬಾರ್ಕ್‌ ಹೇಳಿದೆ. 
ಭಾರತದ ಫಿಫಾ ವೀಕ್ಷಕರ ಸಂಖ್ಯೆಯಲ್ಲೂ ಈ ಬಾರಿ ಏರಿಕೆಯಾಗಿದೆ. ಆರಂಭದ 58 ಪಂದ್ಯಗಳನ್ನು ಒಟ್ಟು 19 ಕೋಟಿ 41 ಲಕ್ಷ ಮಂದಿ ವೀಕ್ಷಿಸಿದ್ದಾರೆ. ಭಾರತ-ಇಂಗ್ಲೆಂಡ್‌ ನಡುವಿನ ಮೊದಲೆರಡು ಟಿ20 ಕ್ರಿಕೆಟ್‌ ಪಂದ್ಯವನ್ನು ವೀಕ್ಷಿಸಿದವರ ಸಂಖ್ಯೆ 2 ಕೋಟಿ 70 ಲಕ್ಷ ಎಂದು ಬಾರ್ಕ್‌ ವಿವರಿಸಿದೆ. ವೀಕ್ಷಕರ ಲೆಕ್ಕಾಚಾರದಲ್ಲಿ ಭಾರತದಲ್ಲಿ ಕ್ರಿಕೆಟ್‌ಗೆ ಅಗ್ರಸ್ಥಾನ. ಶೇ.64 ವೀಕ್ಷಕರು ಕ್ರಿಕೆಟಿಗಿದ್ದಾರೆ.