ಶಿರ್ವ ಚರ್ಚ್ ವತಿಯಿಂದ ಗ್ರಾ.ಪಂ.ಗೆ ಆಹಾರ ಕಿಟ್ ಹಸ್ತಾಂತರ

ಶಿರ್ವ : ಶಿರ್ವ ಆರೋಗ್ಯ ಮಾತಾ ದೇವಾಲಯ, ಕೆಥೋಲಿಕ್ ಸಭಾ ಉಡುಪಿ, ಶಿರ್ವ ಘಟಕ ಹಾಗೂ ದಾನಿಗಳ ಸಹಕಾರದೊಂದಿಗೆ ಸುಮಾರು 50ಸಾವಿರ ರೂ. ಮೌಲ್ಯದ 50 ಆಹಾರ ಪದಾರ್ಥಗಳ ಕಿಟ್ ನ್ನು ಅರೋಗ್ಯ ಮಾತಾ ದೇವಾಲಯದ ಪ್ರಧಾನ ಧರ್ಮ ಗುರು ರೆ.ಫಾ.ಡೆನ್ನಿಸ್ ಡೇಸಾ ಶಿರ್ವ ಗ್ರಾ.ಪಂ.ಅಧ್ಯಕ್ಷ ಕೆ.ಅರ್.ಪಾಟ್ಕರ್ ಅವರಿಗೆ ಸೋಮವಾರ ಹಸ್ತಾಂತರಿಸಿದರು.

ಈ ವೇಳೆ ಗ್ರಾ.ಪಂ.ಉಪಾಧ್ಯಕ್ಷೆ ಗ್ರೇಸಿ ಕರ್ಡೋಜಾ,ಪಿಡಿಒ ಅನಂತ ಪದ್ಮನಾಭ ನಾಯಕ್ , ಗ್ರಾಮ ಕರಣಿಕ ವಿಜಯ್, ಗ್ರಾ.ಪಂ..ಸದಸ್ಯ ಹಸನಬ್ಬ ಶೇಖ್, ಚರ್ಚ್ ಸಹಾಯಕ ಧರ್ಮಗುರು ರೆ.ಫಾ.ಆಲ್ವಿನ್ ಅರಾನ್ಹ,ಕೆಥೋಲಿಕ್ ಸಭಾ ಶಿರ್ವ ಘಟಕ ದ ಅಧ್ಯಕ್ಷ  ಜೆರಾಲ್ಡ್ ರೊಡ್ರಿಗಸ್,ಚರ್ಚ್‌ ಆರ್ಥಿಕ ಸಮಿತಿಯ ಸದಸ್ಯರಾದ ಮೆಲ್ವಿನ್ ಅರಾನ್ಹ, ನೋರ್ಬರ್ಟ್ ಮಚಾದೋ ಮತ್ತಿತರರು ಉಪಸ್ಥಿತರಿದ್ದರು.