ಭಾರತೀಯ ವಿದ್ಯಾ ಭವನ ಲಂಡನ್‌- ಕರ್ನಾಟಕದ ಸಹಯೋಗದೊಂದಿಗೆ ಸಂಸ್ಕೃತಿ ಸೆಂಟರ್‌ ಆಫ್ ಕಲ್ಚರಲ್‌ ಎಕ್ಸಲೆನ್ಸ್‌ ವತಿಯಿಂದ ಕರ್ನಾಟಕದ ಸಾಂಪ್ರದಾಯಿಕ ಹಾಗೂ ಐತಿಹಾಸಿಕ ಜಾನಪದ ಸಂಗೀತ ಹಾಗೂ ನೃತ್ಯ ಕಲೆಗಳ ಪ್ರದರ್ಶನ “ಕೌಸ್ತುಭಮ್‌ ಕರ್ನಾಟಕಂ’ ಮೇ 8ರಂದು ವರ್ಚುವಲ್‌ ವೇದಿಕೆಯಲ್ಲಿ ನಡೆಯಿತು. ಕನ್ನಡದ ಕಂಪು ಸಮುದ್ರದಾಚೆ ಪ್ರಸರಿಸಿ ಆಂಗ್ಲ ನಾಡಿನಲ್ಲಷ್ಟೇ ಅಲ್ಲದೆ ಭಾರತದಲ್ಲೂ ಕಲಾ ರಸಿಕರನ್ನು ರಂಜಿಸಿತು.
Advertisement
ಲಂಡನ್‌ನ ಭವನದ ಕಾರ್ಯನಿರ್ವಾಹಕ ನಿರ್ದೇಶಕ ಡಾ| ಮತ್ತೂರು ನಂದಕುಮಾರ ಅವರು ಆರಂಭಿಕ ಮಾತುಗಳನ್ನಾಡಿದರು.ಡಾ| ನಂದಾ ಅವರು ಭಾಗವತದ ಆಯ್ದ ಭಾಗದಿಂದ ಆರಂಭಗೊಳಿಸಿ ವಿಶೇಷವಾಗಿ ಪುರಂದರ ದಾಸರ ಕುರಿತು ಮಾತನಾಡುತ್ತಾ ಅವರ ಕೃತಿಗಳ ಮಹತ್ವ, ರಾಮಾಯಣ ಮಹಾಭಾರತದಂತಹ ಸಂಸ್ಕೃತ ಭಾಷೆಯ ಕಥೆಯನ್ನು ಸರಳ ಶಬ್ಧಗಳಲ್ಲಿ ಸಾಮಾನ್ಯ ಜನರಿಗೆ ತಿಳಿಸಿ ಸಮಾಜದ ಉದ್ಧಾರದ ಬಗ್ಗೆ ಅವರಿಗಿದ್ದ ಶ್ರದ್ಧೆ ಭಕ್ತಿಯನ್ನು ಹೊಗಳುತ್ತಾ, ಹರಿ ಕುಣಿದ ನಮ್ಮ.. ಹಾಡನ್ನು ಸಂಕ್ಷಿಪ್ತವಾಗಿ ಪ್ರಸ್ತುತಪಡಿಸಿದ್ದು ಈ ಸಂದರ್ಭಕ್ಕೆ ಮೆರುಗು ನೀಡಿತು.
Related Articles
ಅಮಿತಾ ರವಿಕಿರಣ ಅವರು ಪ್ರಸ್ತುತ ಪಡಿಸಿದ ಕರ್ನಾಟಕದ ಅದ್ಭುತ ಜಾನಪದ ಕಥೆಯಾದ ಎಲ್ಲಮ್ಮ ಪದ (ಚೌಡಿಕೆ ಪದ) ಕೇಳುಗರಲ್ಲಿ ರೋಮಾಂಚನ ಉಂಟು ಮಾಡಿತು.
ಕರ್ನಾಟಕ ಸಂಗೀತ ಪಿತಾಮಹ ಪುರಂದರ ದಾಸ ಸಂಯೋಜನೆಯನ್ನು ಪ್ರಸ್ತುತಪಡಿಸಿದ ಸ್ನೇಹಾ ತಯೂರ್‌, ಶ್ರೇಷ್ಠ ಗೀತರಚನೆಕಾರರು ಮತ್ತು ಸಂಯೋಜಕರ ಸಂಗೀತ ಹಾಗೂ ಸಾಹಿತ್ಯ ಶ್ರೇಷ್ಠತೆಯನ್ನು ಎತ್ತಿ ಹಿಡಿಯುವ ಹೆಲವನಕಟ್ಟೆ ಗಿರಿಯಮ್ಮ ಸಂಯೋಜನೆಯನ್ನು ಪೂಜಾ ತಯೂರ್‌ ಅವರು ಸುಮಧುರವಾದ ಗಾಯನದ ಮೂಲಕ ಪ್ರೇಕ್ಷಕರನ್ನು ಮೋಡಿ ಮಾಡಿದರು ಮತ್ತು ಗುರು ಶಿಷ್ಯ ಕೃತಜ್ಞತಾ ಭಾವ ತುಂಬಿದ ಗೋಪಾಲದಾಸ ಅವರ ಸಂಯೋಜನೆಯನ್ನು ಸುಮನಾ ಧ್ರುವ ಅವರು ಅತ್ಯುತ್ತಮವಾಗಿ ಹಾಡಿದರು.
Advertisement
ಸಂಸ್ಕೃತಿ ಸೆಂಟರ್‌ ಆಫ್ ಕಲ್ಚರ್‌ ಎಕ್ಸಲೆ®Õ… ಸಂಸ್ಥಾಪಕರಾದ ಡಾ| ರಾಗಸುಧಾ ವಿನಿಜಮೂರಿ ಅವರು ಎಲ್ಲರಿಗೂ ಧನ್ಯವಾದ ಸಲ್ಲಿಸಿದರು. ರಾಧಿಕಾ ಜೋಶಿ ಕಾರ್ಯಕ್ರಮ ನಿರೂಪಿಸಿದರು. ಶೋಭಾ ಸಾಗರ್‌ ಭಾರತದಲ್ಲಿ ಸಮನ್ವಯ ತಂಡದಲ್ಲಿದ್ದರು. ಈವೆಂಟ್‌ ಅನ್ನು ಫೇಸ್‌ಬುಕ್‌ನಲ್ಲಿ ನೇರಪ್ರಸಾರ ಮಾಡಲಾಗಿದ್ದು, ವಿವಿಡ್ಲಿಪಿ ಇದನ್ನು ಯೂಟ್ಯೂಬ್‌ನಲ್ಲಿ ಸ್ಟ್ರೀಮ್‌ ಮಾಡಿದೆ.ಗಡಿಯಾಚೆ ಕಲಾವಿದರು ಕರ್ನಾಟಕದ ಈ ದುಃಖದ ಸಮಯದಲ್ಲೂ ಭಾಗವಹಿಸಿ ಪ್ರದರ್ಶನ ನೀಡಿದರು. ಚೈತನ್ಯವು ಉತ್ತುಂಗದಲ್ಲಿದ್ದು ಮತ್ತು ಭರವಸೆ ಶಾಶ್ವತವಾಗಿ ಮೂಡಿದ್ದು ಈ ಸಂದರ್ಭದಲ್ಲಿ ಕಲಾವಿದರೆಲ್ಲ ಈ ಪರಂಪರೆಯನ್ನು ಮುಂದಿನ ಪೀಳಿಗೆಗೆ ಪ್ರದರ್ಶಿಸುವ, ಹಂಚಿಕೊಳ್ಳುವ ಮತ್ತು ರವಾನಿಸುವ ಪ್ರತಿಜ್ಞೆಯನ್ನು ಮೂಡಿಸಿದರು.